قازاقستان • 09 ءساۋىر، 2020

جەتىم قالعان 3 مىڭنان استام بالا قاشىقتان وقىپ جاتىر

32 رەتكورسەتىلدى

جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان 78 ۇيىمدا 3 مىڭنان استام تاربيەلەنۋشى قاشىقتان ءبىلىم بەرۋ تەحنولوگيالارىن پايدالانىپ وقىپ جاتىر.

مەكتەپ مۇعالىمدەرى مەن جەتىم بالالارعا ارنالعان ۇيىمدار تاربيەشىلەرىنىڭ تىعىز تاندەمى، ءتيىمدى شەشىمدەردى تاڭداۋ، بالالار مەن ەرەسەكتەردى كومپيۋتەرلەرمەن، پلانشەتتەرمەن جانە باسقا دا گادجەتتەرمەن ۋاقىتىلى قامتاماسىز ەتۋ، بالالار مەن ەرەسەكتەردى الدىن-الا دايىنداۋ قاشىقتان وقۋدى اۋىرتپالىقسىز باستاۋعا كومەكتەستى.

«EL ARNA» جانە «Balapan» تەلەارنالارىندا ۇيىمداستىرىلعان بەينە-ساباقتاردى، سونداي-اق Daryn.online، Kundelik.kz جانە Opiq.kz ءبىلىم بەرۋ ينتەرنەت-پلاتفورمالارىن پايدالانۋدى بالالار ۇلكەن قىزىعۋشىلىقپەن جانە ىقىلاسپەن قابىلدادى.

بالالاردىڭ دەنساۋلىعىن ساقتاۋ ءۇشىن ەرىكتىلەر توپتارىنا، مەتسەناتتارعا جانە باسقا دا بوگدە ادامداردىڭ كىرۋىنە تىيىم سالىنعان، ءۇي-جايلاردا قولدى وڭدەۋگە ارنالعان انتيسەپتيكالىق قۇرالدار ورناتىلعان، تۇراقتى نەگىزدە ءۇي-جايلاردى جەلدەتۋ جۇرگىزىلەدى، تاربيەلەنۋشىلەردىڭ جەكە گيگيەناسىن ساقتاۋعا باقىلاۋ كۇشەيتىلدى، كۇن سايىن مەديتسينا قىزمەتكەرلەرى بالالاردىڭ تەمپەراتۋراسىن ولشەيدى.

سونىمەن قاتار  قىزمەت كورسەتۋشى پەرسونالدىڭ بالالارمەن بايلانىسىن بارىنشا ازايتۋ ءۇشىن قىزمەتكەرلەردىڭ جۇمىس كەستەسى وزگەرتىلدى، بارلىق كەلگەن قىزمەتكەرلەردى مەديتسينالىق تەكسەرۋ جانە ولاردى جەتكىزۋ قامتاماسىز ەتىلەدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار