پوليتسيا ينسپەكتورلارى پلانشەت ارقىلى ازاماتتاردىڭ جەدەل شتابتىڭ بىرىڭعاي تىزىلىمىندە تىركەلگەن-تىركەلمەگەنىن انىقتايدى.
– بۇل جۇمىسقا ۋچاسكەلىك پوليتسيا ينسپەكتورلارى قاتىسادى, ولار قالانىڭ قوعامدىق كولىكتەرىنە تەكسەرىس جۇرگىزەدى. ءار ازاماتتىڭ دەرەكتەرى ەلەكتروندى تۇردە تەكسەرىلەدى. اقپارات بولماعان جاعدايدا, شۇعىل قاجەتتىلىك بولماسا كوشەدە جۇرۋگە قاتىستى شەكتەۋلەر تۋرالى ەسكەرتۋ جاسايمىز. ءبىز قر اكىمشىلىك قۇقىقبۇزۋشىلىق تۋرالى كودەكسىنىڭ 476-بابىنا سايكەس تالاپتاردى تۇسىندىرەمىز. جەرگىلىكتى پوليتسيا قىزمەتكەرلەرى تەك جەدەل شتابتىڭ تىزىلىمىندەگى مالىمەتتەرگە سۇيەنەدى. بۇل شارالار كارانتيندىك رەجيم اياقتالعانعا دەيىن جالعاسادى, – دەيدى الماتى قالاسى پد باسشىسىنىڭ ورىنباسارى نۇرلان الماسبەكوۆ.
