ءوڭىردىڭ وزەندەرىندە مۇزدار جارىلىپ, سەڭ جۇرە باستادى. جەرگىلىكتى اكىمدىك پەن توتەنشە جاعداي سالاسىنىڭ ماماندارى تاسقىنعا جول بەرمەس ءۇشىن قازىر جاعدايدى باقىلاپ وتىر.
«التاي اۋدانىندا بۇقتىرما وزەنىندە سەڭ جۇرە باستادى. ازىرگە قورقاتىنداي ەشتەڭە جوق. مۇز قيىرشىقتارى وزەن بويىمەن اعىپ جاتىر. ماماندار ءبارىن باقىلاپ وتىر.
مۇز كەسەكتەرى كولەمدى بولسا جارۋ جۇمىستارىن جۇرگىزەدى. كاتونقاراعاي اۋدانى اقسۋ اۋىلى اۋماعىنداعى اقسۋ وزەنىندە مۇز كەپتەلىسى بولدى, بىراق وزدىگىنەن تاراپ كەتتى. قازىرگى ۋاقىتتا بۇقتىرمانىڭ كوروبيحا جانە سەننوە اۋىلدارى ماڭىنداعى اعىسىندا سەڭ جۇرە باستادى. وسى رەتتە وسكەمەننەن قوسىمشا قۇتقارۋشىلار توبى جىبەرىلدى» دەلىنگەن وبلىستىق توتەنشە جاعداي دەپارتامەنتى تاراتقان مالىمەتتە.
بۇگىن وسكەمەن قالالىق توتەنشە جاعدايلار باسقارماسى ءۇلبى وزەنىندە سۋ دەڭگەيى تاۋلىگىنە 3 سانتيمەترگە كوتەرىلىپ جاتقانىن, قازىر 562 سانتيمەترگە (شەكتى دەڭگەيى – 800 سانتيمەتر) جەتكەنىن حابارلادى.
شىعىس قازاقستان وبلىسى
(سۋرەتتەر وبلىستىق توتەنشە جاعداي دەپارتامەنتىنىڭ ءباسپاسوز قىزمەتىنەن الىندى)
