قازاقستان • 09 ءساۋىر، 2020

42 500 تەڭگەگە جازىلعان وتىنىمدەردىڭ كەشىكتىرۋ سەبەبى بەلگىلى بولدى

3317 رەتكورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى 42،5 مىڭ تەڭگەگە تولەمدەردى وڭدەۋدىڭ كەشىكتىرىلۋىن بۇگىن ءتۇسىندىردى.

بۇل تۋرالى مينيسترلىكتىڭ ءباسپاسوز قىزمەتى حابارلادى. «باستاپقىدا مالىمەتتەردى تەكسەرۋدىڭ جانە وتىنىشتەردى قاراۋدىڭ مەرزىمى جەتى جۇمىس كۇنى ىشىندە بەلگىلەندى. تولەمدەردى تاعايىنداۋ پروتسەسىن جەدەلدەتۋ ءۇشىن وتىنىشتەردى قاراۋ مەرزىمى ءۇش جۇمىس كۇنىنە دەيىن قىسقاردى. 8 ساۋىردەگى 3،1 ميلليون قوڭىراۋلاردىڭ 1،3 ميلليونى – ءبىر-ءبىرىن قايتالايتىن وتىنىشتەر بولدى» دەيدى ءباسپاسوز ءبولىمى تاراتقان حابارلامادا.  

مينيسترلىك بارلىق وتىنىشتەر ءارتۇرلى مالىمەتتەر بازاسىندا بىرنەشە پارامەترلەر بويىنشا مۇقيات تەكسەرىلگەندىگىن ءتۇسىندىردى. سونىمەن، اتى-ءجونى، جسن، بانكتىك شوت ءنومىرى، ەڭبەك قىزمەتى تۋرالى مالىمەتتەر مۇقيات تەكسەرىلەتىنىن دە ەسكەرتتى.

«مالىمەتتەردى تەكسەرۋ كەزىندە فاكتىلەر انىقتالدى، وعان 42،5 مىڭ تەڭگە الۋعا  قۇقىعى جوق ادامدار، سونىڭ ىشىندە جۇمىس ىستەيتىن ازاماتتار دا ۇسىنعان.  سونىمەن قاتار، قايتىس بولعان ادامدار  نەمەسە شەتەلدە تۇراتىن ادامداردىڭ اتىنان  وتىنىشتەر تۇسكەنى دە انىقتالدى. مۇنداي  وتىنىشتەردى الەۋمەتتىك ساقتاندىرۋ جۇيەسىنە ەشقاشان قاتىسپاعان جانە ەشقانداي شەگەرىمدەر جاساماعان ازاماتتار جىبەرەدى.  405 مىڭنان استام وسىنداي فاكتىلەر انىقتالدى»،  دەپ حابارلادى دەپارتامەنتتەن.


«وتىنىشتەردىڭ قايتالانۋىن انىقتاۋ جانە ولاردى جويۋ ءۇشىن بەرىلگەن 3،1 ملن ءوتىنىمنىڭ ارقايسىسى بويىنشا دەرەكتەردى مۇقيات تەكسەرۋ قاجەت»، دەلىنگەن ماتىندە.

سونىمەن بىرگە، مينيسترلىك تۇرعىنداردان ءۇش كۇن وتكەننەن كەيىن تولەم تۋرالى حابارلاما الماسا، الاڭداماۋىن ءوتىندى.  «وتىنىشتەردى قاراۋ مەرزىمى ۇزارۋى مۇمكىن»، - دەپ اتاپ ءوتتى ۆەدومستۆو.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار