ايماقتار • 09 ءساۋىر، 2020

«جاڭا الاتاۋ قورى» ەسەبىنەن 12 000 ادام ازىق-ت ۇلىك قورجىنىن الدى

22 رەتكورسەتىلدى

بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين-بريفينگتە قامقورشىلار كەڭەسىنىڭ توراعاسى راحمان الشانوۆ مالىمدەدى.

– بۇگىنگى تاڭدا الماتى قالاسى اۋماعىندا توتەنشە جاعدايدىڭ ەنگىزىلۋىنە بايلانىستى قالا حالقىنىڭ وسال توپتارىنا جان-جاقتى الەۋمەتتىك كومەك كورسەتۋ جۇمىستارى جالعاسۋدا. وزدەرىڭىز بىلەسىزدەر، «جاڭا الاتاۋ» قوعامدىق قورىنا العاشقىلاردىڭ ءبىرى بولىپ قر تۇڭعىش پرەزيدەنتى – ەلباسى نۇرسۇلتان نازارباەۆتىڭ قورىنان 100 ملن. تەڭگە قاراجات كەلىپ تۇسكەن بولاتىن. وعان قوسىمشا اتالمىش قورعا دەپۋتاتتار مەن كاسىپورىنداردان، دەپۋتاتتار مەن كاسىپكەرلەردەن 256 ملن. قاراجات ءتۇستى. بۇگىنگى تاڭدا بۇل قارجىنىڭ 136 ملن. تەڭگەسى جۇمسالدى. مۇقتاج جاندارعا 17 مىڭ  ازىق-ت ۇلىك قورجىندارى تاراتىلدى. 8 الەۋمەتتىك ۇيىمدارعا، سونىڭ ىشىندە، 6 ينتەرناتقا، جاستار قوعامدىق ۇيلەرىنە، مۇگەدەكتەرگە، زەينەتكەرلەرگە، كوپبالالى انالارعا، ارداگەرلەر مەن الەۋمەتتىك ۇيلەرگە كومەك كورسەتىلىپ جاتىر. ءتۇسىپ جاتقان قاراجاتتار الەۋمەتتىك ماڭىزى بار شارالارعا جۇمسالۋدا، – دەدى راحمان الشانوۆ.

سپيكەر الەۋمەتتىك كومەك الىپ جاتقان جاندار قاتارىنان ەشقانداي شاعىم تۇسپەگەنىن ايتا كەلىپ، كەرىسىنشە، ريزاشىلىقتارىن ءبىلدىرىپ جاتقان وقىرمانداردىڭ كوپ ەكەنىن جەتكىزدى. ماسەلەن،  291 ەستۋ قابىلەتى ناشار جاندار اتىنان العىس حات جولداعان امانبەك ەرعاليەۆتىڭ حاتىندا مۇقتاج جاندارعا قاجەت كەزىندە كومەك قولدارىن سوزىپ، ازىق-ت ۇلىك قورجىنىن جەتكىزىپ بەرگەندەرى ءۇشىن العىس ايتىلعان.

«وسىنداي مازمۇنداعى حاتتار بىزگە كوپتەپ كەلىپ جاتىر. كومەك كورسەتىلەتىن ادامداردىڭ ءتىزىمى شەكتەلمەيدى، ءبىز ولاردىڭ سۇرانىستارىن ەسكەرىپ، جۇمىس اتقارىپ جاتىرمىز. «جاڭا الاتاۋ» قورى بۇدان بىلاي مۇقتاج جاندارعا الەۋمەتتىك كومەكتى، اسىرەسە ازىق-ت ۇلىك جيىنتىعىن ۆولونتەرلەر ەمەس، «قازپوشتا» اق ارقىلى جونەلتەدى. سەبەبى، قوردا جۇمىس كوپ. ونداعى مۇقتاج جاندارعا بەرىلەتىن قورجىنداردى ولشەپ-وراۋ جۇمىستارىن وسى ۆولونتەرلەر اتقاراتىن بولادى. كومەك كورسەتۋگە بولىنەتىن قاراجات ارداگەرلەردى، مۇگەدەكتەردى، ينتەرناتسيوناليست-جاۋىنگەرلەردى بىرىكتىرەتىن ءار ءتۇرلى ۇيىمدار ارقىلى جۇرگىزىلەدى» - دەدى كەڭەس توراعاسى. 

ءوز سوزىندە الشانوۆ بولىنگەن قارجىلار مەن ولاردىڭ جۇمسالۋى مىندەتتى تۇردە اشىق بولاتىنىن ايتا كەلىپ، قازىرگى ۋاقىتتا الەۋمەتتىك قامسىزداندىرۋ ورگاندارى كومەككە وتە مۇقتاج ادامداردىڭ تىزىمدەرىن جاساپ جاتقانىن جەتكىزدى. ول ءۇشىن اتالمىش قوردىڭ كومەگىنە مۇقتاج جاندار ءوزى تۇراتىن اۋداننىڭ اكىمدىگىنە، ارداگەرلەر كەڭەسىنە، مۇگەدەكتەر قوعامىنا بارىپ، قولداۋدى قاجەت ەتەتىن قالا تۇرعىنى رەتىندە تىركەلۋ قاجەت.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار