ايماقتار • 09 ءساۋىر، 2020

باقىتجان ساعىنتاەۆ: قاۋىپتى ىندەتتىڭ ورشۋىنە جول بەرمەۋىمىز كەرەك

115 رەتكورسەتىلدى

الماتى قالاسىنىڭ اكىمى باقىتجان ساعىنتاەۆ ءوزىنىڭ ينستاگرام پاراقشاسىندا كوروناۆيرۋس ىندەتىمەن كۇرەستەگى ماڭىزدى كەزەڭنىڭ ءبىرى – الەۋەتتى ناۋقاستاردى ىزدەۋ مەن انىقتاۋعا بەلسەندى كىرىسۋ ەكەندىگىن جازدى.

«كوروناۆيرۋس ىندەتىمەن كۇرەستەگى ماڭىزدى كەزەڭنىڭ ءبىرى – الەۋەتتى ناۋقاستاردى ىزدەۋ مەن انىقتاۋعا بەلسەندى كىرىسۋ. باسقا ەلدەردەن كەلگەن ناۋقاستار جانە ولارمەن بايلانىستا بولعان ازاماتتار انىقتالعاننان كەيىن مىندەتتى تەستىلەۋگە جاتاتىن جانداردىڭ اياسى كەڭەيدى. جەدەل جاردەم، ەمحانالار مەن اۋرۋحانالاردىڭ قابىلداۋ بولمەلەرىندەگى، پروۆيزورلىق ستاتسيونارلار مەن زەرتحانالارداعى مەديتسينا قىزمەتكەرلەرىنە ەرەكشە كوڭىل بولىنەدى. سانەپيدەميولوگتار سياقتى ولار دا ۇنەمى تەستىلەۋدەن وتەدى. سونىمەن قاتار، بۇعان وزگە مەديتسينالىق قىزمەتكەرلەر، پوليتسەيلەر، اسكەري قىزمەتشىلەر مەن بلوك-بەكەتتەگى مەملەكەتتىك ورگانداردىڭ قىزمەتكەرلەرى دە تەكسەرۋدەن وتەدى. سونداي-اق، تەستىلەۋدەن وتۋگە رەسپيراتورلىق اۋرۋ بەلگىلەرى بار، وكپە قابىنۋىمەن (پنەۆمونيا) اۋىراتىن جانە تىنىس الۋ ورگانىنداعى سىرقاتىمەن ەسەپتە تۇرعان قالا تۇرعىندارى دا قامتىلماق. جەدەل-تەستىلەۋدەن قالانىڭ قالىپتى تىرشىلىگىن قامتاماسىز ەتەتىن قىزمەتتەر مەن كاسىپورىندارىنىڭ جۇمىسشىلارى دا وتەتىن بولادى. ۆيرۋستىڭ جاسىرىن وشاعىن دەر كەزىندە انىقتاۋ ارقىلى قالاداعى ەپيدەميولوگيالىق جاعدايدى باقىلاۋدا ۇستاۋعا مۇمكىندىك بار. ءبىزدىڭ مىندەتىمىز – قاۋىپتى ىندەتتىڭ ءورشىپ كەتۋىنە جول بەرمەۋ»، دەپ جازدى باقىتجان ساعىنتاەۆ.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار