ايماقتار • 09 ءساۋىر، 2020

قازاقستاندىقتار Kaspi Gold شوتىن ۇيدە وتىرىپ اشا الادى

1783 رەتكورسەتىلدى

توتەنشە جاعداي مەن كارانتين كەزىندە الەۋمەتتىك تولەم شوتىن اشۋ ءۇشىن قازاقستاندىقتار بانكتەردە كەزەككە تۇرۋدا. كوپشىلىك قازىرگى جاعدايدا مۇنىڭ قاۋىپسىز ەمەستىگىن تۇسىنەدى. الايدا شوت ءنومىرى كەرەك، سوندىقتان ادامدار ۇيىنەن شىعىپ، بانك بولىمشەسىنە بارۋعا ءماجبۇر. 

بۇل ولقىلىقتىڭ ورنىن تولتىرۋ ءۇشىن Kaspi.kz كومپانياسى قىسقا مەرزىم ىشىندە  جاڭا قىزمەت ءتۇرىن ىسكە قوستى. ەندى قازاقستاندىقتاردىڭ Kaspi.kz قوسىمشاسىندا Kaspi Gold شوتىن اشىپ، 42 500 تەڭگە الەۋمەتتىك تولەمگە شوت ءنومىرىن ۇيدەن شىقپاستان الۋعا مۇمكىندىگى بار.

«قازاقستاندىقتاردىڭ كارانتين كەزىندە جاردەماقى الۋ ءۇشىن شوت اشۋعا بانكتەردىڭ بولىمشەلەرىنە باراتىنى ءبىزدى قاتتى الاڭداتىپ وتىر. ءبىزدىڭ كوماندامىز زاماناۋي تەحنولوگيالاردى قولدانىپ، يننوۆاتسيالىق قىزمەتتى رەكوردتىق قىسقا مەرزىمدە ىسكە قوستى. ەندى ءبىزدىڭ سۇيىكتى كليەنتتەرىمىزگە بولىمشەگە بارۋدىڭ جانە كەزەكتە تۇرۋدىڭ قاجەتى جوق. ەندى ۇيدەن شىقپاي-اق، تىكەلەي Kaspi.kz ءموبيلدى قوسىمشاسىندا Kaspi Gold شوتىن ونلاين اشۋعا جانە جاردەماقى الۋ ءۇشىن شوت ءنومىرىن پايدالانۋعا بولادى» دەيدى كومپانيا باسشىسى  ميحايل لومتادزە.

Kaspi Gold شوتىن اشقان سوڭ كليەنتتەر تەك 42 500 تەڭگە مەملەكەتتىك الەۋمەتتىك كومەكتى عانا ەمەس، Kaspi.kz-ءتىڭ بارلىق قىزمەتىن قولدانا الادى. مىسالى، كەز-كەلگەن Kaspi Gold-قا اقشا اۋدارىپ، Kaspi.kz-تەگى 5 000-نان استام قىزمەتكە كوميسسياسىز تولەپ، Kaspi.kz-تەگى ماگازيندە زات ساتىپ الادى.

قاجەت بولعان جاعدايدا Kaspi بانكوماتتان Kaspi QR نەمەسە جسن  ارقىلى كوميسسياسىز اقشا شەشىپ، شوتتى كەز-كەلگەن Kaspi بانكومات نەمەسە تەرمينال ارقىلى تولىقتىرا الادى.

ال كارانتين بىتكەن سوڭ شوت يەلەرى Kaspi Gold پلاستيكالىق كارتاسىن كەز-كەلگەن  Kaspi.kz بولىمشەسىنەن الىپ، دۇكەندەردە كارتا ارقىلى زات ساتىپ الۋىنا بولادى دەيدى بانك وكىلدەرى. 

سوڭعى جاڭالىقتار

ۇقساس جاڭالىقتار