ەكونوميكا • 09 ءساۋىر، 2020

بيۋدجەت–2020: مينيسترلەر كابينەتىنىڭ ۇلەسى قانداي؟

48 رەتكورسەتىلدى

2020 جىلعا ارنالعان بيۋدجەتكە ەنگىزىلگەن تۇزەتۋلەرگە سايكەس مەملەكەتتىك ورگاندار قانشا قاراجات الاتىندىعى تۋرالى مالىمەتتەردى ۇسىنامىز.

يندۋستريا جانە ينفراقۇرىلىمدى دامىتۋ مينيسترلىگىنە  2020 جىلى 638،4 ملرد تەڭگە ءبولىندى. بۇل قارجى جەكەلەگەن سالالاردى دامىتۋعا، كولىك ينفراقۇرىلىمى مەن جولداردى جاقسارتۋعا،   «بايتەرەك» حولدينگىنە نەسيە بەرۋ جانە ونىڭ جارعىلىق كاپيتالىن ۇلعايتۋدىڭ ايماقتىق باعدارلاماسىن جۇزەگە اسىرۋعا جۇمسالادى.

تۇزەتۋلەرگە سايكەس، قارجى مينيسترلىگى 2020 جىلى 38،5 ملرد تەڭگە الادى، ول باسقالارمەن قاتار قازىناشىلىق كوميتەتىنىڭ اقپاراتتىق جۇيەلەرىن دامىتۋعا، سالىقتىق باسقارۋ جۇيەسىن رەفورمالاۋعا، شەكارادان وتكىزۋ پۋنكتتەرىن جاڭارتۋعا جانە حالىقارالىق قارجى ۇيىمدارىندا ۇلەستەر ساتىپ الۋعا باعىتتالادى.

ۇلتتىق ەكونوميكا مينيسترلىگىنە وڭىرلەردى دامىتۋدىڭ مەملەكەتتىك باعدارلاماسىنا، «سامۇرىق-قازىنا» قورىنىڭ جانە «بايتەرەك» قورىنىڭ جارعىلىق كاپيتالىن ۇلعايتۋعا 141 ملرد تەڭگە بولىنەدى.

قارجى مينيسترلىگىنىڭ ەنشىسىنە 38،5 ملرد تەڭگە بۇيىردى: اقپاراتتىق جۇيەلەرىن دامىتۋعا، سالىقتىق باسقارۋ جۇيەسىن رەفورمالاۋعا، شەكارادان وتكىزۋ پۋنكتتەرىن جاڭارتۋعا جانە حالىقارالىق قارجى ۇيىمدارىندا ۇلەستەر ساتىپ الۋعا جۇمسالادى.   ەنەرگەتيكا مينيسترلىگى گاز تاراتۋ جانە جىلۋ ەنەرگەتيكاسى جۇيەلەرىن دامىتۋعا 69،3 ملرد تەڭگە ءبولىندى. ساۋدا جانە ينتەگراتسيا مينيسترلىگى  KazakhExport جارعىلىق كاپيتالىن ۇلعايتۋعا جانە ەكسپورتتىق قارجىلاندىرۋدى ىنتالاندىرۋ ءۇشىن قازاقستاننىڭ دامۋ بانكىنە نەسيە بەرۋ ءۇشىن  59 ملرد تەڭگە ءبولىندى. دەنساۋلىق ساقتاۋ مينيسترلىگى بيۋدجەتتەن 33،1 ملرد ءبولىندى. بۇل قارجىنىڭ 6،9 ملرد تەڭگەسى  دەنساۋلىق ساقتاۋ نىساندارىن سالۋ مەن سەيسميكالىق نىعايتۋعا، سونداي-اق ينفەكتسيالىق اۋرۋحانالاردى ورنالاستىرۋعا ارنالعان جيناقتالعان كەشەندەر قۇرۋعا جۇمسالادى. نۇر-سۇلتان مەن الماتى قالاسى ءۇشىن وسى سومانىڭ  5،5 ملرد تەڭگەسى ءبولىندى.

ءدال وسىنداي سوما پرەزيدەنت اكىمشىلىگىنە دە بولىنەدى. اقشا مەملەكەتتىك ورگانداردىڭ قۇرىلىسىنا جانە قايتا قۇرىلۋىنا جانە ششۋچينسك-بوروۆسك كۋرورتتىق ايماعىن دامىتۋعا ارنالعان.

اۋىل شارۋاشىلىعى مينيسترلىگىنە «قازاگرو» حولدينگىنىڭ جارعىلىق كاپيتالىن ۇلعايتۋ ءۇشىن 10 ملرد تەڭگە ءبولىندى.

 سۋ رەسۋرستارىن ءتيىمدى باسقارۋ ءۇشىن ەكولوگيا، گەولوگيا جانە تابيعي رەسۋرستار مينيسترلىگىنە بولىنگەنى 53،1 ملرد تەڭگە.

19،3 ميللياردتان استام تەڭگە ىشكى ىستەر مينيسترلىگىنە جىبەرىلەدى. ونىڭ 11،2 ملرد تەڭگەسى تابيعي جانە تەحنوگەندىك سيپاتتاعى توتەنشە جاعدايدان قورعاۋ وبەكتىلەرىن سالۋعا، قايتا قۇرۋعا جۇمسالادى. قوعامدىق ءتارتىپتى قورعاۋعا 7 ميلليارد تەڭگە جىبەرىلەدى. سونداي-اق 50 ميلليون تەڭگە - سولتۇستىك قازاقستان وبلىسىندا ۇلتتىق ۇلاننىڭ اسكەري ينستيتۋتىن سالۋعا جۇمسالادى. 
سونىمەن قاتار، قورعانىس مينيسترلىگىنە اسكەري نىساندار سالۋعا جانە ولار ءۇشىن باسقارۋدىڭ اۆتوماتتاندىرىلعان جۇيەسىن قۇرۋعا 5،7 ملرد تەڭگە ءبولىندى. سونداي-اق ادىلەت مينيسترلىگى نۇر-سۇلتان قالاسىنداعى سوت-ساراپتاما ينستيتۋتى عيماراتىنىڭ قۇرىلىسىنا 5،7 ملرد تەڭگە الادى جانە زيراتتار بار كرەماتوريلەر سالۋ ءۇشىن نۇر-سۇلتان قالاسى مەن  الماتى بيۋدجەتتەرىنە اۋدارادى.

باسقا مەملەكەتتىك ورگاندارعا كەلەتىن بولساق، بيۋدجەتتەن 3،8 ميلليارد تەڭگە ۇقك-گە، 1،6 ميلليارد تەڭگەسى باس پروكۋراتۋراعا جانە 1،3 ميلليارد تەڭگە جوعارعى سوتقا جىبەرىلەدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار