پارلامەنت • 09 ءساۋىر، 2020

داريعا نازارباەۆا: ەلىمىزدىڭ ەشبىر ازاماتى قامقورلىقسىز قالمايدى

508 رەتكورسەتىلدى

سەنات توراعاسى ەلباسىنىڭ كوروناۆيرۋس پاندەمياسىنا بايلانىستى بۇكىل الەمدە ورىن العان احۋالعا سىندارلى تالداۋ جاساعان، ازاماتتاردىڭ دەنساۋلىعىن ساقتاۋ، وسىنداي كۇردەلى جاعدايدا حالىقتى جانە ەل ەكونوميكاسىن قولداۋ جونىندەگى مەملەكەت تاراپىنان قولعا الىنعان شارالارعا جوعارى باعا بەرىلگەن ماقالاسى جاريالانعانىن اتاپ ءوتتى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

«تۇڭعىش پرەزيدەنت اتاپ وتكەندەي، جاعدايدى تۇراقتاندىرۋ جولىندا كوپ جۇمىس جاسالدى، بۇل باعىتتا جۇيەلى جۇمىستار جالعاسىن تابۋدا. ەڭ باستىسى – وسىنداي سىن ساعاتتا بىردە-ءبىر ادام، ەلىمىزدىڭ ەشبىر ازاماتى قامقورلىقسىز قالمايتىنىن ءتۇسىنۋىمىز كەرەك. ول ءۇشىن ءبىزدىڭ مەملەكەتىمىزدە قاجەتتى رەسۋرستاردىڭ ءبارى بار»، - دەپ اتاپ ءوتتى د.نازارباەۆا.

سەنات باسشىسى ۇلاعاتتى جانە وڭ ىستەردىڭ وسىنداي قيىن-قىستاۋ، داعدارىس كەزەڭىندە ايشىقتالا تۇسەتىنىن اتاپ ءوتتى. بۇگىن ەلباسىنىڭ ۇلتتىق قوردى قۇرۋ، ەكونوميكامىزدى ءارتاراپتاندىرۋ، اۋىل شارۋاشىلىعى مەن ينفراقۇرىلىمدى دامىتۋ جونىندەگى كورەگەن ساياساتى ءوز جەمىسىن بەرىپ وتىرعانىنا كۋا بولۋدامىز. ەلباسىنىڭ اسا كورەگەندىكپەن قابىلداعان شەشىمدەرى بۇگىنگى تاڭدا داعدارىستى ەڭسەرۋگە مۇمكىندىك بەرىپ وتىرعان ەلىمىزدىڭ قاۋىپسىزدىك قورعانىشىن، مەملەكەتتىك، ەكونوميكالىق جانە الەۋمەتتىك جۇيەمىزدىڭ نەگىزگى تۇراقتىلىعىن قۇردى. ء«بىزدىڭ مەملەكەتىمىز، حالقىمىز بۇل داعدارىستى دا ابىرويمەن ەڭسەرىپ، ودان ءارى شىڭدالا تۇسەتىنىنە كامىل سەنەمىن»، - دەدى د.نازارباەۆا.

جوعارى پالاتا باسشىسى ەلباسىنىڭ مەملەكەت باسشىلىعى تاراپىنان قابىلدانىپ جاتقان داعدارىسقا قارسى شارالارعا تولىق قولداۋ بىلدىرگەنىن جانە بارشا حالىقتى پرەزيدەنت قاسىم-جومارت توقاەۆتى جانە ۇكىمەتتى قولداۋعا شاقىرعانىن اتاپ ءوتتى. «ەلباسىنىڭ كەشەگى ۇندەۋى ۇلت ليدەرىنىڭ كورەگەندىگىن جانە ءوز ەلىنىڭ ناعىز كوشباسشىسى ەكەنىن ايقىن كورسەتىپ، ءبىزدىڭ داعدارىستى ەڭسەرۋ جولىنداعى ءىس-قيمىلىمىزعا تىڭ سەرپىن بەرەدى دەپ بارلىق سەناتورلاردىڭ اتىنان ايتا الامىن»، - دەدى ول.

د.نازارباەۆانىڭ ايتۋىنشا، ەڭ باستىسى بۇگىنگى كۇنى ماڭىزدى شارالاردىڭ جەرگىلىكتى جەرلەردە ءتيىمدى ءارى ناقتى ورىندالۋىن قامتاماسىز ەتۋ. «وكىنىشكە وراي، كوبىنەسە تاپسىرمالاردىڭ جەرگىلىكتى جەرلەردە ورىندالۋى كوپ سۇراقتاردى تۋىنداتىپ جاتاتىنىن ءبارىمىز بىلەمىز، كورىپ ءجۇرمىز. اسىرەسە، ارتىق بيۋروكراتيالىق فورماليزمگە، اكىمشىلىك قۇلشىنىسقا نەمەسە جونسىزدىككە جول بەرىلىپ جاتادى. مۇنىڭ بارىنە ءتيىستى باعا بەرىلەتىنىنە سەنىمدىمىن»، - دەدى ول.

د.نازارباەۆا تسيفرلاندىرۋعا جەكە توقتالىپ، تەكسەرىس ناتيجەسىندە مەملەكەتتىك اقپاراتتىق رەسۋرستاردىڭ جانە ەلەكتروندىق قىزمەتتەردىڭ جۇمىس ىستەۋىندە بىرقاتار پروبلەمالاردىڭ بار ەكەنى بەلگىلى بولعانىن اتاپ ءوتتى. سونداي-اق، «تسيفرلىق قازاقستان» مەملەكەتتىك باعدارلاماسى داعدارىس كەزىندە بەتى اشىلعان پروبلەمالاردى ەسكەرە وتىرىپ، دەرەۋ قايتا قاراۋدى تالاپ ەتەتىنىن باسىپ ايتتى.

«دەپۋتاتتار ەلىمىزدىڭ باسقارۋ جۇيەسى مەن ەكونوميكانى تسيفرلاندىرۋدا جەدەل جۇمىستار جۇرگىزۋگە بيۋروكراتيانىڭ مۇددەلى ەمەس ەكەندىگى جايلى، ستاتيستيكانى ءبىر رەتكە كەلتىرۋ تۋرالى بىرنەشە مارتە ايتقان بولاتىن»، - اتاپ ءوتتى ول.

داريعا نازارباەۆا سەناتورلاردىڭ جانە ءوزىنىڭ اتىنان ءاردايىم، قيىن ساتتەردە ىنتىماقتاسىپ، بىرلىك كورسەتىپ وتىرعان قازاقستان حالقىنا، تۇسىنىستىك پەن سابىرلىق تانىتقان ەلىمىزدىڭ ءاربىر ازاماتىنا زور العىسىنىن ءبىلدىردى. سونداي-اق، د.نازارباەۆا جاقىن تۋىستارىنان ايرىلعان وتباسىلارعا كوڭىل ايتىپ، سىرقاتتانىپ جاتقان ازاماتتارعا تەز ارادا ايىعىپ كەتۋىنە تىلەكتەستىگىن ءبىلدىردى.

سەنات باسشىسى قازىرگى قاۋىرت رەجيمدە قىزمەتتەرىن جالعاستىرىپ جاتقان ازاماتتاردىڭ: مەديتسينالىق، قۇقىق قورعاۋ ورگاندارىنىڭ قىزمەتكەرلەرى، اسكەريلەر مەن ۆولونتەرلاردىڭ ماڭىزىن اتاپ ءوتتى. «بۇل قىزمەتكەرلەرگە قازىر وڭاي ءتيىپ جاتقان جوق، ويتكەنى ولار ىندەتتىڭ مەڭدەۋىن توقتاتۋعا كۇش سالىپ، اۋرۋحانالار مەن ينفەكتسيالىق بولىمشەلەردە ناۋقاستاردى ەمدەپ، ادام ءومىرىن ساقتاپ، كوشەلەردە، بلوكپوستتاردا قوعامدىق ءتارتىپ پەن قاۋىپسىزدىكتى قامتاماسىز ەتىپ، كۇندەلىكتى ەرلىك جاساپ جاتىر. بۇل كۇرەستە العى شەپتە جۇرگەن ازاماتتارعا ايتىلعان العىسىما قازاقستاننىڭ ءاربىر ازاماتى قوسىلاتىنىنا سەنىمدىمىن. وسىنداي قيىن كەزەڭدە سىزدەردىڭ ەرلىكتەرىڭىزدى بارشامىز ۇلگى تۇتامىز. سىزدەر – جۇرەككە سەنىم ۇيالاتىپ، جاقسىلىققا دەگەن ءۇمىتتىڭ باستاۋى ەكەندەرىڭىز ايقىن»، - دەدى د.نازارباەۆا.

سەنات توراعاسى وڭىرلەردە الەۋمەتتىك-ەكونوميكالىق تۇراقتىلىقتى ساقتاۋ جولىندا ايانباي ەڭبەك ەتىپ جۇرگەن، جۇمىس ورىندارىن جانە ەڭبەككەرلەردىڭ جالاقىلارىن ساقتاۋ شارالارىن ۇيىمداستىرۋعا، كوپبالالى وتباسىلار مەن مۇگەدەكتەردى جانە وزگە دە از قامتىلعان وتباسىلاردى تەگىن ازىق-ت ۇلىكپەن جانە سانيتاريالىق-گيگيەنالىق قۇرالدارمەن قامتاماسىز ەتۋگە قوماقتى ۇلەس قوسىپ كەلە جاتقان ءماسليحاتتار دەپۋتاتتارىنا جەكە العىسىن ءبىلدىردى.

د.نازارباەۆا بۇدان باسقا قيىن كەزەڭدە مۇقتاج جاندارعا قايىرىمدىلىق جاساپ، قارجىلاي قولداۋ كورسەتىپ وتىرعان كاسىپكەرلەرگە دە العىس ايتتى.

داريعا نازارباەۆا ءسوزىن قورىتىندىلاي كەلىپ، حالقىمىز وزىنە ءتان دانالىعى مەن توزىمدىلىگىنىڭ ارقاسىندا بۇل سىناقتان دا امان-ەسەن وتەتىنىنە سەنىم ءبىلدىردى. «ەلباسى ايتقانداي، «بىرلەسە بىلگەن ەل ءبارىن جەڭەدى» - دەدى ول.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار