ايماقتار • 09 ءساۋىر، 2020

قوستاناي وبلىسى: پوليتسيا قاتارى 70 ساردارمەن تولىقتى

34 رەتكورسەتىلدى

توتەنشە جاعداي رەجىمى جاريالانعالى پوليتسيادا تىنىم جوق. تاڭنىڭ اتىسى، كۇننىڭ باتىسى بەل جازباي ءتارتىپ كۇزەتىندە ءجۇر.

شەكتەۋ ەنگىزىلگەن  شامالى ۋاقىت ىشىندە پوليتسياعا جۇكتەلگەن مىندەت كوپ. سونىڭ قايسىسى دا  جەدەل قيمىلدى، شۇعىل شەشىم قابىلداۋدى كەرەك ەتەدى: شەكتەۋ تالابىن بۇزعانداردى انىقتاۋ; كوروناۆيرۋس تۋرالى جالعان اقپارات تاراتۋشىلاردى ىزدەپ تاۋىپ، تۇرعىنداردان كەشىرىم سۇراتىپ، كوپشىلىكتىڭ كوڭىلىن ورنىقتىرۋ; ءساۋىردىڭ سۇراپىل بورانىندا قار قۇرساۋىندا قالعانداردى قۇتقارۋ; ەلەكتر جارىعىنىڭ جوقتىعىن پايدالانىپ جالعىزىلىكتى جاياۋ جۇرگىنشىنى تورۋىلداعان قاسكۇنەمدەردىڭ جولىن كەسۋ – تىزە بەرسەك، سوڭعى ءبىر ايدىڭ ىشىندە پوليتسيا اتقارعان ساۋاپتى ءىس سانسىز. ماسەلەن، 7 ساۋىردە قارلى بوراندا جولدا قالعان 100-دەن استام جولاۋشى پوليتسيانىڭ ارقاسىندا ءوزىنىڭ وتباسى، وشاق قاسىنا ءدىن امان ورالعان. 

بۇگىن پوليتسيا دەپارتامەنتى باستىعىنىڭ ورىنباسارى ارداق ىنتىقباەۆ قىزمەتتىك بورىشىن ادال وتەپ جۇرگەن پاترۋلدىك پوليتسيا ساپىنداعى 70 قىزمەتكەرگە لەيتەنانت پوگوندارىن تاپسىردى. ىشكى ىستەر ورگاندارىنىڭ قىزمەتكەرلەرى ەش قيىندىققا قاراماستان وزدەرىنە سەنىپ تاپسىرىلعان مىندەتتى مۇلتىكسىز ورىنداپ جاتقانىن اتاپ وتكەن ا.ىنتىقباەۆ: - سىزدەردى شىن جۇرەكتەن قۇتتىقتايمىن! بۇگىن ىشكى ىستەر ءمينيسترىنىڭ بۇيرىعىمەن سىزدەر پوليتسيا لەيتەنانتى دەگەن ارنايى اتاققا يە بولدىڭىزدار. بۇل ىشكى ىستەر ورگاندارىن جەتىلدىرۋ جونىندەگى 2019-2021 جىلدارعا ارنالعان جول كارتاسىن جۇزەگە اسىرۋ بارىسىندا جاسالىپ جاتقان قادام. وزدەرىڭىزگە ارتىلعان مىندەتتى ابىرويمەن اقتاپ شىعاتىندارىڭىزعا سەنىمدىمىن، - دەدى.

 

قوستاناي وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار