ايماقتار • 09 ءساۋىر، 2020

تۇركىستان: 1878 ازاماتتىڭ مۇگەدەكتىك مەرزىمى ۇزارتىلدى

20 رەتكورسەتىلدى

تۇركىستان وبلىسى بويىنشا توتەنشە جاعداي كەزەڭىندە قايتا كۋالاندىرۋدان ءوتۋى ءتيىس 1878 ازاماتتىڭ مۇگەدەكتىك انىقتاماسىنىڭ مەرزىمى ورتالىقتاندىرىلعان بازا بويىنشا ۇزارتىلدى. دەمەك، جاردەماقىلارى توتەنشە جاعداي رەجيمى اياقتالعان كۇندى قوسا العانعا دەيىن تولەنەدى.

بۇل توتەنشە جاعداي كەزەڭىندە  قولعا الىنىپ وتىرعان ساقتىق شاراسى ءارى ۇكىمەت تاراپىنان مۇمكىندىگى شەكتەۋلى جاندارعا كورسەتىلىپ وتىرعان قامقورلىق. سونداي-اق ازاماتتار مۇگەدەكتىككە شىعۋ وتىنىشتەرىن توتەنشە جاعداي كەزەڭىندە ۇيدەن شىقپاي Egov.kz ۆەب-پورتالىنداعى «ەلەكتروندىق ءوتىنىش» سەرۆيسى ارقىلى جولداي الادى. ءتيىستى قۇجاتتارى ينتەرنەت رەسۋرسى ارقىلى جولدانعان سوڭ، مەديتسينالىق-الەۋمەتتىك ساراپتاما جۇرگىزۋ ماماندارى 2 كۇن ىشىندە ءوتىنىش تاستاعان ازاماتتارعا جاۋاپ بەرىپ، مۇگەدەكتىك تاعايىندالعاندىعى تۋرالى حابارلايدى. حابارلاما بايلانىس نومىرلەرىنە دە كەلەدى. ال، مۇگەدەكتىك تۋرالى انىقتامالارىنىڭ تۇپنۇسقاسىن توتەنشە جاعداي اياقتالعان سوڭ   مەديتسينالىق-əلەۋمەتتىك ساراپتاما كوميسياسىنان الىپ كەتە الادى.

كۋالاندىرىلاتىن ادام مۇگەدەكتىك بەلگىلەنگەن كۇننەن باستاپ التى اي ىشىندە باقىلانىپ، وعان ءبىر جىلدان اسپايتىن مەرزىمگە سىرتتاي مۇگەدەكتىك تاعايىندالادى. قازىر وسىنداي سىرتتاي كۋالاندىرۋدان 4 ازامات وتكەن.

 

تۇركىستان وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار