ايماقتار • 09 ءساۋىر، 2020

«ايالا» قورى ايالايتىن ارداگەرلەر ازايىپ كەلەدى

20 رەتكورسەتىلدى

«ايالا» قايىرىمدىلىق قورى الماتىلىق 40 ارداگەرگە اي سايىن ازىق-ت ۇلىك پەن ءدارى-دارمەك تاسىپ، كارانتين كۇندەرىن جەڭىلدەتۋگە ۇمتىلىپ وتىر. اتالمىش قور قارت ادامدارعا ارنالعان وسىناۋ كومەكتى Samsung كومپانياسىنىڭ دەمەۋشىلىگىمەن ىسكە اسىپ جاتىر.

وسى اپتادا ارداگەرلەرگە كومەك ءدارى-دارمەك تۇرىندە بەرىلدى. وتكەن اپتادا قور ەڭ قاجەتتى دەگەن 20 ازىق-ت ۇلىك اتاۋى مەن تازالىق قۇرالدارىنان تۇراتىن قورجىنداردى جەتكىزىپ بەرۋدى ۇيىمداستىردى. كۋرەرلەر ارداگەر تۇراتىن ءۇي مەن پاتەردىڭ بوساعاسىنا دەيىن قارىم-قاتىناسسىز جەتكىزۋدى جۇزەگە اسىردى.

«Samsung قازاقستاندا قوعامنىڭ الەۋمەتتىك جاۋاپكەرشىلىگى مول، بەلسەندى مۇشەسى بولىپ تابىلادى. ۇلى وتان سوعىسىنىڭ ارداگەرلەرىنە دەگەن ۇلكەن ىقىلاسىمىز بەن قۇرمەتىمىز  مول، ولارعا ءتيىمدى كومەك كورسەتۋگە تىرىسامىز. ءبىز ارداگەرلەرمەن بەلسەندى جۇمىس ىستەگەن سوڭعى 5 جىلدا ولاردىڭ قاتارىنىڭ كۇرت ازايىپ بارا جاتقانىن بايقادىق. بيىل ۇلى جەڭىستىڭ 75 جىلدىعى، سوندىقتان ءبىزدىڭ دە كومەگىمىز ءتيىپ، ءار ارداگەر ءومىرىن جاقسارتقىمىز كەلەدى»، – Samsung Electronics Central Eurasia كومپانياسىنىڭ جۇرتشىلىقپەن بايلانىس جانە كورپوراتيۆتىك-الەۋمەتتىك جاۋاپكەرشىلىك جونىندەگى مەنەدجەرى دەدى بەرىك وماروۆ.  

«ايالا» قورى ارداگەرلەرگە 2010 جىلدان بەرى كومەكتەسىپ كەلەدى. سول كەزدە تەحنيكا، مۇگەدەكتەر ارباسى جانە قارجىلاي قولداۋ تۇرىندەگى كومەكتى 20 ادام العان ەدى. 2015 جىلى وعان قوردىڭ باستاماسىمەن Samsung كومپانياسى دا قوسىلدى. سونىڭ ناتيجەسىندە جوبامىز تاعى دا 67 ارداگەردى قامتىدى. Samsung قىزمەتكەرلەرىمەن بىرگە قور ساتىپ العان ازىق-ت ۇلىك جيىنتىقتارىن قوراپتارعا سالىپ، ونى جۇك تيەۋشىلەرى بار گازەلدەردە ءبارىمىز بىرگە ءجۇرىپ تاراتاتىن ەدىك. ارداگەرلەرگە ءار جىل سايىن ۇلى جەڭىستىڭ قارساڭىندا وسىنداي كومەك كورسەتىلدى. 

وسى ءداستۇر 2019 جىلعا دەيىن جالعاستى. سول جىلى جوبانىڭ ناتيجەلەرى تۋرالى ەسەپتى تىڭداعان سوڭ، Samsung پرەزيدەنتى ارداگەرلەرگە كومەكتى جيىرەك كورسەتۋ كەرەك دەگەن شەشىمگە كەلدى.

«2019 جىلدىڭ كۇزىندە ءبىز وسى جىل سايىنعى جوبانى اي سايىنعىعا وزگەرتتىك. ەندى ءبىز الماتىداعى ارداگەرلەرمەن بۇرىنعىدان دا بەلسەندىرەك ارالاسىپ، ولارعا قاجەتتى كومەكتى كوبىرەك كورسەتەمىز»، – دەدى بەرىك وماروۆ.

بۇل شەشىم 40 اردەگەردىڭ ارقايسىسىن اي سايىن 30 مىڭ تەڭگە مولشەرىندە كومەكپەن قامتاماسىز ەتۋگە مۇمكىندىك بەردى. وسى ورايدا ولار نە ساتىپ الۋ كەرەكتىگىن وزدەرى انىقتايدى جانە مۇنى جوبا ۇيلەستىرۋشىلەرىنە حابارلايدى. بىرەۋگە تەك ازىق-ت ۇلىك قاجەت، باسقاسىنا – تۇرمىستىق تەحنيكا: شاڭسورعىش، قىسقا تولقىندى پەش، ۇتىك جانە ت.ب. كەرەك. كليننينگ قىزمەتىنە دە سۇرانىس بولىپ تۇرادى. تەك ءدارى-دارمەكتى كەرەك ەتەتىن ارداگەرلەر بار، ال كەيبىر ارداگەرلەرگە ازىق-ت ۇلىك تە، ءدارى-دارمەك تە قاجەت. بارلىق سۇرانىستار ارنايى بازاعا ەنگىزىلەدى جانە وسى جالپى اقپاراتتىڭ نەگىزىندە بۇكىل قاجەتتىلەر ساتىپ الىنادى جانە مەكەنجايلارىنا جەتكىزىپ بەرىلەدى. ۇيلەستىرۋشىلەر كومەكتىڭ ۋاقتىلى جەتەتىنىنە كوز جەتكىزۋ ءۇشىن ايىنا ءبىر رەت ارداگەرلەرگە بارىپ تۇرادى. بارعان سوڭ، البەتتە، اڭگىمە-دۇكەن قۇرادى.

بۇل جوبا قامقورلىق جاسايتىن جاسى ەڭ ۇلكەن ارداگەر 9 مامىردا 102 جاسقا كەلەدى. بۇل ءادىش ءابدىرايىموۆ. ول 1918 جىلى ومىرگە كەلگەن. 1938 جىلى حاركوۆ فارماتسەۆتيكالىق ينستيتۋتىنا وقۋعا ءتۇسىپ، 1941 جىلى وڭتۇستىك-شىعىس مايدانداعى 173-ءشى اتقىشتار ديۆيزياسىنا جىبەرىلدى. بەرگەدورفتا تۇقىندا جانە نويەنگاممدەگى كونتسلاگەردە بولىپ، ءادىش ءابدىرايىموۆ ۇيىنە 1947 جىلى ورالدى. 1952 جىلى ول تاشكەنتتەگى ورتا ازيالىق  مەملەكەتتىك ۋنيۆەرسيتەتتى «بيولوگ» ماماندىعى بويىنشا ءبىتىردى. سىناق ستانتسياسىندا زەرتحانا مەڭگەرۋشىسى بولىپ ەڭبەك ەتتى جانە قازىرگى وڭتۇستىك قازاقستان وبلىسى ماقتاارال اۋدانىندا ماقتانىڭ جاڭا سورتىن شىعاردى.

وكىنىشكە قاراي، جوبانى ىسكە اسىرۋدىڭ سوڭعى جىلىنىڭ ىشىندە عانا بەس ادراگەرىمىز ومىردەن وزدى. قور مۇقتاج ادامداردى ۇنەمى ىزدەيدى، سوندىقتان بەنەفيتسيارلاردىڭ جالپى سانى جىل سايىن 40 ادامنان كەمىگەن ەمەس.

سونىمەن قاتار «ايالا» قورى Samsung كومپانياسىنان كومەك الاتىن ارداگەرلەردىڭ 60%-عا جۋىعىنىڭ تۇرمىسى تومەن ەكەنىن اتاپ وتەدى. ولاردىڭ ۇيلەرى ەسكى جانە جوندەلمەگەن، ال ۇيلەرىنە تازالىق پەن كۇتىم قاجەتتىگى سەزىلىپ تۇرادى. ازاماتتاردىڭ بۇل ساناتى ءوز زەينەتاقىسىنا جانە زەينەت جاسىنا جەتىپ قالعان بالالارىنىڭ تابىسىنا ءومىر سۇرەدى.

« ۇلى جەڭىستىڭ 75 جىلدىق مەرەيتويى قارساڭىندا بەيبىت ءومىرىمىز ءۇشىن شايقاسقان ازاماتتارىمىزعا لايىقتى كۇتىمدى قامتاماسىز ەتۋ ءۇشىن الماتىلىق 30 ارداگەردىڭ ۇيىنە جوندەۋ جۇرگىزۋگە كومەك جانە قولداۋ كورسەتە الاتىن قايىرىمدى قازاقستاندىقتار تابىلادى دەپ ۇمىتتەنەمىز. ءبىز بارلىق ارداگەرلەرگە ءوزىن-ءوزى وقشاۋلاۋ كەزەڭىنەن امان-ەسەن ءوتۋىن، زور دەنساۋلىق جانە ۇزاق عۇمىر تىلەيمىز»، – دەدى «ايالا» قايىرىمدىلىق قورىنىڭ پرەزيدەنتى ايدان سۇلەيمەنوۆا

 

 

الماتى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار