ايماقتار • 09 ءساۋىر، 2020

تۇركىستان: شەكتى باعا بەلگىلەنىپ، باقىلاۋعا الىندى

40 رەتكورسەتىلدى

تۇركىستان وبلىسىندا ازىق-ت ۇلىك تاۋارلارىنىڭ شەكتى باعاسى بەلگىلەنىپ، باقىلاۋعا الىندى. ماسەلەن، ءبىرىنشى سورتتى بيداي ۇنى - 169 تەڭگە، وسى ۇننان جاسالعان بيداي نانى - 155 تەڭگە، كۇرىش - 216 تەڭگە، سيىر ەتى - 1910 تەڭگە، جۇمىرتقا - 28 تەڭگە، كۇنباعىس مايى - 434 تەڭگە، قاراقۇمىق جارماسى - 327 تەڭگە بولىپ بەلگىلەنگەن.

بازار نارقىنداعى تاۋاردىڭ قۇنى وسى بەلگىلەنگەن باعادان اسىپ كەتپەۋىن قاداعالاۋ ءۇشىن ماماندار ساۋدا ورىندارىنا تۇراقتى تۇردە مونيتورينگ جۇمىستارىن جۇرگىزىپ كەلەدى. بۇل تۋرالى وبلىستىق كاسىپكەرلىك جانە ساۋدا باسقارماسى مالىمدەدى.

ماماندار تۇرعىنداردى ازىق-ت ۇلىك قۇنىنىڭ قىمباتتاۋىن بولدىرماۋ شارالارىنا اتسالىسۋعا شاقىردى. اتالعان تاۋارلاردىڭ بەلگىلەنگەن شەكتىك باعادان قىمباتقا ساۋدالانىپ جاتقانىن كەزدەستىرگەن ازامات ءتيىستى ورىنعا حابارلاسۋىنا بولادى. ول ءۇشىن www.dosmart.kz سايتىنا نەمەسە https://t.me/consumerprotectionKZ تەلەگرامم ارناسىنا كىرىپ، قاجەتتى اقپارات بەرۋ كەرەك. سونداي-اق، جەرگىلىكتى اكىمدىككە تىكەلەي حابارلاسىپ تا ءمان-جايدى جەتكىزۋگە بولادى.

 

تۇركىستان وبلىسى

سوڭعى جاڭالىقتار

ۇقساس جاڭالىقتار