«قوستاناي وبلىسىندا 47 ادام, سونىڭ ىشىندە 13 بالا ەۆاكۋاتسيالاندى. ولاردىڭ بارلىعى تۋىستارىنا ورنالاستىرىلدى. اۋىل شارۋاشىلىعى جانۋارلارىن ساقتاپ قالۋ ءۇشىن 608 باس ءىرى جانە ۇساق مال, 450 شوشقا جانە 15 جىلقى قاۋىپسىز جەرگە اۋىستىرىلدى», دەدى يۋري يلين.
ونىڭ ايتۋىنشا, قاردىڭ قارقىندى ەرۋىنەن جانە مول جاۋىن-شاشىننىڭ تۇسۋىنەن جاباي وزەنىندە سۋ دەڭگەيى 3 مەترگە دەيىن كۇرت كوتەرىلگەن.
«اقمولا وبلىسى ساندىقتاۋ اۋدانىنىڭ بالقاشينو اۋىلىندا 2 اۋلا ماڭى اۋماعىن سۋ باستى. اقمولا وبلىسى ساندىقتاۋ ادانىنىڭ بالقاشينو اۋىلىنداعى تۇرعىن ۇيلەردى سۋ باسۋ قاۋپىن جويۋ ءۇشىن 32 ادام, 8 بىرلىك تەحنيكا مەن 2 ءجۇزۋ قۇرالى جۇمىلدىرىلدى. شىعىس قازاقستان وبلىسىندا اۋلا اۋماعىنداعى سۋ سورۋ, ارىقتاردى تازالاۋ جۇمىستارى جۇرگىزىلۋدە», دەدى ول.
