قازاقستان • 09 ءساۋىر، 2020

بجزق: سالىمشىلاردىڭ شوتتارىنا تۇسكەن ينۆەستيتسيالىق كىرىس 192،45 ملرد تەڭگەدەن استى

119 رەتكورسەتىلدى

COVID-19-دىڭ تارالۋى جانە وپەك پەن رەسەي اراسىنداعى مۇناي ساۋداسىنىڭ سوعىسى تاۋارلىق جانە قارجىلىق نارىقتارىنا اسەرىن تيگىزىپ جاتىر. سالدارىنان الەمدىك قور بيرجالارىنىڭ يندەكستەرى سوڭعى 30 جىلداعى ەڭ ۇلكەن قۇلدىراۋدى كورسەتتى، بىراق قازاقستانداعى ەڭ ءىرى ينستيتۋتسيونالدى ينۆەستورلاردىڭ ءبىرى – بجزق پورتفوليوسىندا  سوڭعى ەكى اپتادا ءوسىم بايقالدى.

ۇلتتىق بانكتىڭ ستاتيستيكاسىنا سايكەس، بجزق زەينەتاقى اكتيۆتەرى جىل باسىنان بەرى 4%-عا ءوسىپ،  ناۋرىز ايىندا 11،3 ترلن تەڭگەدەن استى. «پورتفوليو ۆاليۋتاسىنىڭ ءارتاراپتاندىرىلۋىنا، ينۆەستيتسيالار گەوگرافياسى مەن قارجى قۇرالدارىنىڭ اۋقىمىنىڭ كەڭەيۋىنە بايلانىستى حالىقتىڭ جيناقتالعان زەينەتاقى قاراجاتىنداعى تازا ينۆەستيتسيالىق كىرىستىڭ ۇلەسى تۇراقتى وسۋدە»  دەيدى  ۇلتتىق بانكتىڭ وكىلدەرى.

«شەتەل ۆاليۋتاسىندا كورسەتىلگەن قارجى قۇرالدارىنىڭ ۇلەسى 32،5% قۇرايدى، ولار نەگىزىنەن اقش دوللارىمەن كورسەتىلگەن (29،5%). تازا ينۆەستيتسيالىق كىرىس 2020 جىلدىڭ باسىنان باستاپ 332،34 ملرد تەڭگەدەن استى (2019 جىلدىڭ ءدال وسىنداي كەزەڭىنە 66،8 ملرد تەڭگە)» دەدى ۇلتتىق بانك  وكىلدەرى كەشە جۋرناليستەرمەن وتكەن ونلاين جيىندا.

ناۋرىز ايىنىڭ ءبىرىنشى جارتىسىندا سالىمشىلاردىڭ شوتتارىنا اۋدارىلعان ينۆەستيتسيالىق كىرىس 192،45 ميلليارد تەڭگەدەن استى (2019 جىلدىڭ ءدال وسى كەزەڭىندە بۇل كورسەتكىش 54،74 ميلليارد تەڭگەنى قۇرادى). سونىمەن قاتار بارلىق اكتسيالار تەرىس كىرىستى كورسەتتى.

«قارجى قۇرالدارىنىڭ جەكەلەگەن سىنىپتارى نومينالدى ۆاليۋتاداعى تەرىس كىرىستى كورسەتتى. اكتيۆتەردى باسقارۋدىڭ تيىمدىلىگى ۇزاق ۋاقىت ارالىعىندا باعالاناتىندىعىن اتاپ وتكەن ءجون. جەكەلەگەن قىسقا مەرزىمدى كەزەڭدە نەمەسە اكتيۆتەردىڭ جەكەلەگەن كلاسى ءۇشىن الىنعان كىرىستىلىك باسقارۋ تيىمدىلىگىنىڭ كورسەتكىشى بولىپ تابىلمايدى» دەپ اتاپ ءوتتى ۇلتتىق بانكتىڭ ءباسپاسوز قىزمەتى.

ۇزاق مەرزىمدى پەرسپەكتيۆادا (بەس جىلدان باستاپ) اكتسيالار وبليگاتسيالارعا قاراعاندا جوعارى تابىستى كورسەتەدى. قازاقستان قارجىگەرلەرى قاۋىمداستىعىنىڭ جەتەكشى تالداۋشىسى رامازان دوسوۆ بجزق اكتيۆتەرىندەگى ايتارلىقتاي ۇلەس بورىشتىق باعالى قاعازدارعا تيەسىلى – 85،9% (نەگىزىنەن مەملەكەتتىك باعالى قاعازدار) ينۆەستيتسيالىق ستراتەگياعا سايكەس مۇنداي باسقارۋ ءوتىمدى قارجىلىق قۇرالداردىڭ جوعارى دەڭگەيىن قولداۋعا باعىتتالعانىن ايتتى.

قازىرگى ۋاقىتتا ۇلتتىق بانك ءۇش الەمدىك كومپانيامەن جۇمىس جۇرگىزۋدە. جالپى العاندا، ولار 1،6 ترلن دوللاردان استام قارجىنى باسقارادى. دامىعان ەلدەردىڭ اكتسيالارىن ينۆەستيتسيالاۋعا HSBC Global Asset Management (UK) Limited سىرتقى مەنەدجەرى تارتىلدى. قۇرىلىم زەينەتاقى اكتيۆتەرىن MSCI World Index الەمدىك يندەكسىنىڭ باعالى قاعازدارىنا ينۆەستيتسيالايدى، ولاردىڭ نەگىزگى بولىگى (63%) اقش كومپانيالارىنىڭ اكتسيالارىنا تيەسىلى.
«ينۆەستيتسيالىق دەڭگەيدەگى كورپوراتيۆتى وبليگاتسيالارعا ينۆەستيتسيالار ءۇشىن رەتتەۋشى ەكى سىرتقى مەنەدجەرلەردى – نەگىزگى Global Investors (Europe) Limited جانە PGIM تىركەلگەن كىرىستەردى تارتادى، ولار 2019 جىلدىڭ قاراشا ايىنان باستاپ كەزەڭ-كەزەڭىمەن جالپى سوماسى 400 ميلليون اقش دوللارىن ء(ار كومپانيا 200 ميلليون دوللار) قۇرادى. مۇندا قارجى  Bank of America Corporation، Goldman Sachs Group Inc.، Apple Inc.، FedEx Corporation، Caterpillar Inc، The Walt Disney Company سياقتى كومپانيالاردىڭ 5 مىڭنان استام باعالى قاعازىنىڭ شىعارىلىمىن قامتيتىن كورپوراتيۆتىك وبليگاتسيالار يندەكسىنە ينۆەستيتسيالانادى.

«2019 جىلدىڭ قاراشا ايىنان باستاپ 200 ميلليون دوللار كولەمىندەگى قاراجات كەزەڭ-كەزەڭىمەن اۋدارىلدى. يندەكستە Apple Inc، Microsoft Corp، Facebook Inc، Nestle SA، Visa Inc، Amazon.com Inc جانە باسقالارى سياقتى تانىمال كومپانيالار بار» دەدى ۇلتتىق بانكتىڭ ءباسپاسوز قىزمەتى.

«ۇلتتىق بانك ينۆەستيتسيالىق كەلىسىمدەردى ۇيلەستىرۋ جانە قول قويۋ بويىنشا جۇمىس جۇرگىزىپ جاتقان تاعى التى شەتەلدىك باسقارۋشى كومپانيانى (بەس اكتسيا عالامدىق اكتسيالاردىڭ مانداتى بويىنشا جانە ءبىر كومپانيا كورپوراتيۆتىك وبليگاتسيالار مانداتى بويىنشا) تاڭداپ الدى. بارلىق تاڭدالعان كومپانيالاردىڭ ايتارلىقتاي ينۆەستيتسيالىق تاجىريبەسى، قاجەتتى ينفراقۇرىلىمى مەن تاجىريبەسى بار» دەپ سەندىرەدى قازاقستان ۇلتتىق بانكىنىڭ وكىلدەرى.

حالىقارالىق قۇرىلىمدار كەلىسىمشارتتارعا قول قويىلعاننان جانە اكتيۆتەردى باسقارۋعا بەرگەننەن كەيىن حابارلانادى.

 «اكتيۆتەردى بەرۋ دەگەنىمىز اقشانى ناقتى اۋدارۋ دەگەندى بىلدىرمەيدى، بىراق بۇل كومپانيالارعا اكتيۆتەردى باسقارۋ وكىلەتتىكتەرىن بەرۋ. وسىلايشا، بجزق-نىڭ سىرتقى سەنىمگەرلىك باسقارۋعا بەرىلگەن زەينەتاقى اكتيۆتەرى ۇلتتىق بانكتىڭ كاستوديان-بانكتەگى شوتتارىندا قالادى» دەپ اتاپ ءوتتى رەتتەۋشىنىڭ وكىلدەرى.

«زەينەتكەرلىككە ينۆەستيتسيالاۋ ستراتەگياسى وزگەرە مە؟» دەگەن ماسەلە جىل باسىنان بەرى ساراپشىلار اراسىندا ءجيى تالقىلانا باستادى. سەبەبى پاندەميا جاعدايىندا زەينەت جاسىنا جاقىنداپ قالعان ازاماتتار ءوزىن جۇمىسسىزدىقتان ساقتاندىرۋ ماسەلەسىن ءجيى قويا باستادى. ساراپشىلار الداعى ۋاقىتتا ساقتاندىرۋ سەگمەنتى وسى باعىتتا داميتىنىن، جۇمىسسىز قالعان ازاماتتاردىڭ اي سايىنعى جارناسىن ساقتاندىرۋ كومپانيالارى     بجزق جارنالارىن ساقتاندىرۋ تولەيتىنىن ايتا باستادى. ارينە، بۇل وسى باعىتتا كومپانيالار جۇمىس ىستەپ، كليەنتتەردى تارتسا عانا ورىندالادى.  

ۇلتتىق بانك بيىل زەينەتاقى اكتيۆتەرى پورتفەلىن ءارتاراپتاندىرۋ بويىنشا جۇمىستاردى جالعاستىرادى دەپ سەندىرەدى. ال ساراپشىلار بولسا، جاقىن ارادا تۇبەگەيلى وزگەرىستەردىڭ بولا قويمايتىنىن ايتىپ وتىر. ول ءۇشىن زاڭعا وزگەرىستەر كەرەك.

«ورتالىق بانكتەر كونسەرۆاتيۆتى ينۆەستيتسيالىق ستراتەگيالاردى پايدالانادى، بۇل ءوز كەزەگىندە تومەن كىرىستەرگە اكەلەدى. مىسالى، 2019 جىلى بجزق زەينەتاقى اكتيۆتەرىنىڭ ناقتى كىرىستىلىگى 1،17% قۇرادى. سالىمشىلاردىڭ شوتتارىنا تاراتىلعان زەينەتاقى اكتيۆتەرىنىڭ كىرىستىلىگى 5،4% ينفلياتسيامەن 6،57% كوتەرىلدى» دەيدى قارجىگەرلەر قاۋىمداستىعىنىڭ جەتەكشى تالداۋشىسى رامازان دوسوۆ.

دەمەك، قانشا سىناساق تا، بجزق پاندەميا جاعدايىندا دا كىرىسپەن جۇمىس ىستەيتىنىن دالەلدەدى.

«ەندى ۇلتتىق بانك وسى كۇنگە دەيىنگى كونسەرۆاتيۆتى كوزقاراستان ارىلىپ، قارجى نارىعىنىڭ قازىرگى جاعدايىنا بەيىمدەلسە بولدى» دەيدى ساراپشىلار.

 

الماتى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار