بولات ءالمۇحان ۇلى 1968 جىلى جامبىل وبلىسىندا تۋعان. 1991 جىلى س.م.كيروۆ اتىنداعى قازمۋ-دى «قولدانبالى ماتەماتيكا», ال, 1999 جىلى «ادىلەت» جوعارى قۇقىق مەكتەبىن «زاڭگەر» ماماندىعى بويىنشا بىتىرگەن.
ەڭبەك جولىن 1991 جىلى «تاراز» وڭىرلىك ىشكى ەكونوميكالىق تاۋار وندىرۋشىلەر اسسوتسياتسياسىنىڭ ينجەنەرى بولىپ باستاعان. 1993-1994 جىلدارى كوممەرتسيالىق ۇيىمداردا جۇمىس ىستەگەن.
ال, 1995-2010 جىلدارى ادىلەت مينيسترلىگىنىڭ جامبىل وبلىستىق قۇقىقتىق اقپارات ورتالىعىنىڭ باس مامانى, مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا باسقارماسىندا ءبولىم باسشىسى, باسقارما باسشىسىنىڭ ورىنباسارى, تارتىپتىك كەڭەس حاتشىلىعىنىڭ مەڭگەرۋشىسى, 2010-2013 جىلدارى جامبىل وبلىسى اكىمى اپپاراتىنىڭ باسشىسى, 2013-2014 جىلدارى مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنتىنىڭ باسشىسى-تارتىپتىك كەڭەستىڭ توراعاسى قىزمەتىن اتقاردى.
2014-2016 جىلدارى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ورىنباسارى-تارتىپتىك كەڭەستىڭ توراعاسى, 2016-2019 جىلدارى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتىنىڭ باسشىسى-تارتىپتىك كەڭەستىڭ توراعاسى بولدى.
سوڭعى جۇمىس ورنى – قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتىنىڭ باسشىسى-ادەپ جونىندەگى كەڭەس توراعاسى.
جولداسبەك كوشەرباي ۇلى
