رۋحانيات • 09 ءساۋىر، 2020

كوڭىلگە مەدەت بولعان ماقالا

41 رەتكورسەتىلدى

ەلىمىزدە توتەنشە جاعداي جاريالانعالى بەرى بويىمىزدى ۋايىم بيلەپ العانى بەلگىلى. كەيدە ىشتەي ابىرجىساق، كەيدە ۆيرۋس جۇقتىرعان وتانداستارىمىز تۋرالى جايسىز اقپاراتتىڭ كوڭىلگە كۇدىك ۇيالاتاتىنى بار.

ءبارىمىز ۆيرۋسقا قاتىستى ماسەلەنى ويلاماۋعا، كوڭىلىمىزدى باسقا ارناعا بۇرۋعا تىرىسامىز. ءبىر-ءبىرىمىزدى قولداپ، اۋديوحابارلاما، سۋرەت، جازبالار جىبەرەمىز. اقپارات ايدىنى دا ءتۇرلى كونتەنتكە تولى. ايتسە دە كوڭىلگە مە­دەت بەرەر، سەنىم ۇيالاتار ماقا­لانىڭ ورنى بولەك. وسى ورايدا، تۇڭ­­عىش پرەزيدەنت – ەلبا­سى نۇرسۇلتان نازارباەۆتىڭ «Egemen Qazaqstan» گازەتىندە جاريا­لانعان «بىرلەسە بىلگەن ەل ءبارىن جەڭەدى»  اتتى ماقالاسى (8 ءساۋىر، 2020 جىل) وقىرمانعا ەرەكشە سەرپىن بەرگەنىن ايتا كەتكەن ءجون.

شىنىن ايتۋ كەرەك، ەلبا­سىنىڭ ءار ماقالاسىن ىج­داعاتپەن وقيمىن. بالكىم، بۇعان جۋرناليستيكا سالاسىندا جۇرگەنىم دە اسەر ەتەتىن شىعار. ونىڭ ۇستىنە، اينالامداعى ادامداردى ماقالانىڭ بولىگىن، قىسقاشا تۇ­جىرىمىن نەمەسە وعان قاتىس­تى پىكىرىن ەمەس، رەسمي جەردە جاريالانعانىن تولىقتاي وقۋدى ۇسىنامىن. بۇل جولى دا سولاي بولدى. ماقالادا بىزگە جەتىسپەي جاتقان  كوپ ماسەلە قامتىلعان. بىرىنشىدەن، بىرەگەي ءومىر تاجىريبەسى بار تۇلعا الداعى كەزدە ەلىمىزدە  ءبارى جاقسى بولاتىنىن بايانداعان. ەكىنشىدەن، ءبارىمىز بىرگە بولعاندا عانا  ىندەتتەن قۇتىلاتىنىمىزعا سەنىم ۇيالاتادى.

توتەنشە جاعداي ەلىمىزدە ۆولونتەر جىلىمەن تۇسپا-تۇس كەلىپ وتىر. وسى ورايدا العا قويعان باعىتىمىزعا بايىپپەن قاراپ، ماڭىز بەرە باستادىق. اسىرەسە ۆولونتەرلىك جۇمىسقا قاتىسى جوق كوپتەگەن تانىسىم ەرىكتى تۇردە كومەكتەسۋگە اتسا­لى­سىپ جاتىر. الەۋمەتتىك جەلى­لەرگە جازىپ، تەلەفونعا حابارلاسىپ، قالاي قول ۇشىن سوزا الاتىنىن سۇرايدى. بۇل ءبىزدى ىنتالاندىرا تۇسەدى.

ەلباسىنىڭ ماقالاسى ەرەكشە ىنتالاندىردى. ماقالادا قانداي اۋىر جولدان وتكەنىمىزدى، الداعى كۇننىڭ جاقسىلىقتارىن شىنايى تۇردە سەزىنەسىز. بۇل پاندەميانى دا ەڭسەرەتىنىمىز انىق.

وسىندايدا، ماڭىزدىسى – ىندەت اياقتالعاننان كەيىن كىم بولامىز، قايدا بارامىز؟ ءدال قازىر بويكۇيەزدىككە سالىنىپ، ءۇمىتىن جوعالتقاندار ەرتەڭ وكىنە­تىنى انىق. ال ەلگە كومەك قولىن سوزۋعا تالپىنعاندار عانا ءار­دايىم بيىك بەلەستەن كورىنەدى. ەلباسى ءوز ماقالاسىندا ايتقان «ادامنىڭ وزىنە دەگەن سەنىمى – ۇل­كەن كۇش. بۇل بويىمىزعا – قا­جىر، دەنەمىزگە – قۋات، جۇرە­گىمىزگە سەنىم ۇيالاتادى»، دەگەن ءسوزى – كوڭىلگە مەدەت.

رەسپۋبليكالىق «Birgemiz» قورىنىڭ قامقورشىلىق كەڭەسىنە كىرگەنىم – ماعان ارتىلعان ۇلكەن سەنىم. قور تۇڭعىش پرەزيدەنت كاسىپكەرلەردى وتانداستارىمىزدى قولداۋعا شاقىرعاننان كەيىن قۇرىلدى. سودان بەرى مول قاراجات جينالىپ، ەل اۋماعىنداعى مۇقتاج جاندارعا كومەك رەتىندە ۇلەستىرىلەدى. وسى جۇمىستىڭ باسى-قاسىندا ءجۇرىپ، 100-دەن استام وتباسىن ارالاپ، ءتىزىم جاسادىق. ىندەتپەن كۇرەسۋ ءۇشىن اۋقىمدى جۇمىس اتقارىلىپ جاتىر. دارىگەرلەر، اسكەريلەر، پولي­تسەيلەر، مەملەكەتتىك قىزمەت­كەرلەر، سونداي-اق ۆولونتەر­لەردىڭ ەرەن ەڭبەگىن ماقتان تۇتا­مىن. سوندىقتان ءبىر-ءبىرىمىزدى قول­داپ، ءۇمىتىمىزدى جوعالتپاي، كوڭى­لىمىز كوتەرىڭكى بولسىن دەگىم كەلەدى. سۇلەيمەن پايعامبار ايت­قان­داي، ء«بارى وتەدى، مۇنى دا ەڭسە­رەمىز».

 

ايسۇلۋ ەرنيازوۆا،

«قازاقستان ۆولونتەرلەر ليگاسى» قوعامدىق قورىنىڭ توراعاسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار