سپورت • 08 ءساۋىر، 2020

رومان كرەچ: سپورتپەن قوشتاسقىم كەلگەن ەدى

24 رەتكورسەتىلدى

قازاقستان ۇلتتىق وليمپيادالىق كوميەتىنىڭ #ۇيدەمىزTeamKZ ونلاين جوباسىندا كونكيشى رومان كرەچ قوناققا كەلدى. ادەتتەگىدەي، ەفير قوناعى كارانتين كەزىندە نەمەن شۇعىلدانىپ جاتقانىن تىلگە تيەك ەتتى.

«جارىستىڭ بارلىعىن سوڭىنا تاياپ، ماۋسىم اياقتالار تۇستا كارانتين جاريالاندى. قازىرگى تاڭدا ۇيدە وتباسىمىزبەن بىرگەمىز. قازىر بارلىعىمىز بىرگە  ماۋسىم بىتكەن سوڭ دەمالىپ الىپ، ونلاين جاتتىعۋعا كوشتىك. ۆەلوجاتتىعۋدان باستادىق جاتتىعۋدى. دەنە شىنىقتىرۋمەن اينالىسىپ، ءوزىمىزدىڭ وسال تۇسىمىزدى بايقاپ، سونى جاقسارتۋعا جۇمىس ىستەپ جاتىرمىز. ودان بولەك،  كىتاپ وقىپ، ءتىل ۇيرەنىپ، ءوزىمىزدى دامىتۋعا بارىمىزدى سالۋدامىز"، دەيدى رومان كرەچ. 

سونىمەن قاتار رومان كرەچ جاراقاتىنا بايلانىستى ءبىر ماۋسىمنان تىس قالعانى تۋرالى دا ايتىپ بەردى. 

«الدىڭعى ماۋسىمنان تولىق تىس قالدىم دەسەم بولادى. جارىس تۇگىلى، جاتتىعۋ جيىندارىنا قاتىسا المادىم. فيزيكالىق، ءمورالدى تۇرعىدان تولىق دەمالدىم. مۇزعا قاشان شىعاتىنىم بەلگىسىز بولدى. جاراقاتىمنىڭ كەسىرىنەن سپورت مانسابىمدى اياقتايمىن با دەپ ويلادىم. الايدا، قيىن ساتتە كوماندا مەنى قولداپ، بەرىلمەۋگە ۇگىتتەپ، جىگەرلەندىردى. ۇلتتىق قۇراماعا، باس باپكەرگە قولداۋى ءۇشىن ەرەكشە العىس ايتامىن.  جاراقاتىمنان ايىققان كەيىن مۇزعا شىعىپ، ءوزىمدى قولعا الدىم. ۇزدىكتەرمەن سىنعا تۇسكەننەن كەيىن ءوزىمدى قايراپ، قالپىما كەلدىم"، دەپ ءبولىستى رومان.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار