ايماقتار • 08 ءساۋىر، 2020

الەمدە 200 ميلليونعا جۋىق بالا تاۋەكەلدى ايماقتاردا تۇرىپ جاتىر

21 رەتكورسەتىلدى

COVID-19 سالدارىنان عالام ەكونوميكالىق داعدارىسقا ۇشىرادى. كەدەي مەملەكەتتەر ءۇشىن پاندەميا سالدارىنان تۋىنداعان قارجىلىق قيىندىقتار ۆيرۋسپەن كۇرەستى ءارى ءوز ازاماتتارىن قورعاۋدى قيىنداتىپ وتىر.

وتباسىنىڭ تابىسىنان شەكتەلۋى، ازىق-ت ۇلىكتىڭ جەتكىلىكسىزدىگى بۇل ەلدەردە كەڭىنەن ەتەك العان. سابىن تۇگىلى قول جۋاتىن سۋدىڭ ءوزى تاپشى. ساپالى مەديتسينالىق قىزمەت جوقتىڭ قاسى، جاعداي مۇلدە ۋشىققان. يۋنيسەف مالىمەتتەرىنە سۇيەنسەك، الەمدە 200 ملن بالا قارىزعا باتقان مەملەكەتتەردە ءومىر سۇرۋدە. ولاردىڭ ەكونوميكالىق داعدارىستان كەيىنگى كۇنى نە بولادى دەگەن الاڭداۋشىلىق باسىم. تابىسى تومەن ەلدەردىڭ دەنساۋلىق ساقتاۋ سالاسىنا شىعىنى ارتىپ بارادى. 

يۋنيسەف اتقارۋشى ديرەكتورى گەنريەتتا فورە  قوسىمشا شىعىندار بالالارعا قاجەتتى جوسپارلى  يممۋنيزاتسيا، انا مەن بالانى قورعاۋعا قاجەتتى ماڭىزدى قىزمەتتەر ەسەبىنەن جۇزەگە اسپاۋى قاجەت ەكەندىگىن ايتادى. كەرىسىنشە، تاۋەكەلدى جاعدايدا مەملەكەتتەر بالالاردى قورعاۋ شىعىندارىن ارتتىرۋى قاجەت. اۋرۋدىڭ كەڭ تارالۋىنا جول بەرمەۋ، ارى قارايعى ەكونوميكالىق داعدارىستى ۇشىقتىرماۋ ماقساتىندا يۋنيسەف دۇنيە جۇزىلىك بانك مەن حالىقارالىق قارجى قورىنىڭ مۇقتاج ەلدەر ءۇشىن قارىزداردى قايتا قۇرىلىمداۋ مەن جەڭىلدەتۋ تۋرالى ۇندەۋىنە قولداۋ ءبىلدىردى.  تاياۋدا بۇۇ باس حاتشىسى انتونيۋ گۋتەرريش G20 ەلدەرىنە جولداعان حاتىندا 2020 جىلى قارىزداردى قايتا قاراستىرۋ مەن پايىزدار بويىنشا تولەمدەردەن باس تارتۋ تۋرالى ايتقان بولاتىن. مۇمكىندىگى بار ەلدەر ءۇشىن قارىزداردىڭ ۋاقىتىن تەجەۋ COVID-19 توقتاتۋعا جانە ەكونوميكالىق سالداردى تومەندەتۋگە ىقپال ەتەدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار