قوعام • 08 ءساۋىر، 2020

الماتى: «جەلىنى شۋلاتقان جىگىت پوليتسياعا باعىنباعان»

589 رەتكورسەتىلدى

پوليتسيا قىزمەتكەرلەرىنىڭ كولىك جۇرگىزۋشىسىنە قىسىم كورسەتىپ جاتقانىن بەينەلەگەن بەينەجازبانى جەلى قولدانۋشىلارىنىڭ ءبىرى ءوزىنىڭ facebook پاراقشاسىنا جاريالاعان بولاتىن. بۇعان قاتىستى جەلىدە قىزۋ پىكىر بىلدىرگەن ازاماتتار بولعان جايدىڭ اق-قاراسىن انىقتاۋدى تالاپ ەتكەن ەدى. الماتى پوليتسياسىنىڭ ءباسپاسوز قىزمەتى ماسەلەنىڭ ءمانىن تۇسىندىرگەن بولدى.

– بۇل قۇقىقبۇزۋشىلىق بۇگىن اۋەزوۆ اۋدانىندا بولعان. سۋبارۋ كولىگى ساين كوشەسىمەن وڭتۇستىككە كەلە جاتىپ پوليتسيا پوستىنداعى قىزمەتكەرلەردىڭ توقتاۋ تۋرالى تالابىنا قۇلاق اسپاعان. ونىمەن قويماي پوليتسيا قىزمەتكەرىنىڭ اياعىن باسىپ كەتكەن. جۇرگىزۋشىنىڭ ارتىنان قۋعىنعا تۇسكەن پوليتسيا ونى اباي التىنسارين كوشەلەرىنىڭ قيىلىسىندا ۇستادى. 37 جاستاعى ەر ادامنىڭ كولىگىن ءتىنتۋ كەزىندە قارۋ تابىلدى. قازىر وعان قاتىستى قر قك 379-بابىمەن سوتقا دەيىنگى تەرگەۋ ءىسى تىركەلدى. سونىمەن قاتار، بۇل جىگىتتەن پىشاق تابىلدى. ەندى ۇستالعان جىگىت قىلمىستىق جاۋاپكەرشىلىككە تارتىلادى. قىزمەتتىك مىندەتىن ورىنداۋ كەزىندە پوليتسيا قىزمەتكەرلەرىنىڭ دەنساۋلىعىنا زاقىم كەلتىرۋ نەمەسە باعىنباۋ قىلمىستىق جاۋاپكەرشىلىككە اكەلەتىنىن ەسكەرتكىم كەلەدى. تج كەزىندە مۇنداي قۇقىقبۇزۋشىلىقتار قىلمىستىق احۋالدى ودان ءارى اۋىرلاتا تۇسەدى، – دەيدى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار