كارتينا جەلىسىندە دومبىرانىڭ قۇلاعىندا ويناپ, ۇلكەن ساحنادا ونەر كورسەتۋدى ارمانداعان اسەت ەسىمدى بالانىڭ ءومىرى باياندالادى. كارتينانىڭ رەجيسسەرى – رامازان قاليوللا. ستسەناري اۆتورلارى – رامازان قاليوللا, جانات جايلىباي.
Short Of The Year فەستيۆالى جىلدىڭ ءار ماۋسىمىندا شىعاتىن 4 شىعارىلىمنان تۇرادى (قىس, كوكتەم, جاز جانە كۇز). ءار ماۋسىمدا ۇزاقتىعى 30 مينۋتتان اسپايتىن 50-گە جۋىق كوركەم, انيماتسيالىق, دەرەكتى, ەكسپەريمەنتتىك جانە مۋزىكالىق فيلمدەر بايگەگە تۇسەدى.
«قازاقفيلم» كينوستۋدياسى ءباسپاسوز قىزمەتىنىڭ اقپاراتى بويىنشا فەستيۆالدىڭ «ەڭ ۇزدىك كوركەم/دەرەكتى/انيماتسيالىق/ەكسپەريمەنتتىك /مۋزىكالىق قىسقامەتراجدى فيلم» سياقتى رەسمي نوميناتسيالارىنان بولەك قاتىسۋشىلار «قازىلار القاسىنىڭ ارنايى سىيلىعى» ءۇشىن سىنعا تۇسەدى. وسى جۇلدەگە يە بولعان كينوتۋىندىلار دۇنيە جۇزىندە وتەتىن فەستيۆالدەرگە تەگىن جولداما الادى.
كينوتۋىندى وتكەن جىلى الماتىدا وتكەن IV حالىقار الىق Baiqonyr ISFF كينوفەستيۆالىنىڭ كونكۋرستان تىس باعدارلاماسىندا كورسەتىلىپ, «برودۆەيدىڭ تاڭداۋى» سىيلىعىن العان. سونداي-اق, بۇل فيلم نيۋ-دەلي قالاسىندا وتكەن 8-ءشى حالىقارالىق قىسقامەتراجدى فيلمدەر كينوفەستيۆالىندە (Delhi Shorts International Film Festival) «ۇزدىك فيلم» جۇلدەسىن جەڭىپ الىپ, Sensus حكف جانە 19-شى Kids First بايقاۋىنا دا قاتىسقان بولاتىن.
الماتى
