ايماقتار • 08 ءساۋىر، 2020

الماتى: جۇرگىزۋشىلەردىڭ جالاقىسى قىسقارمايدى

90 رەتكورسەتىلدى

الماتىدا بارلىق قوعامدىق كولىكتەردىڭ تەڭ جارىمى عانا جۇمىس ىستەپ جاتىر. جولاۋشىلار اعىنى دا 80 پايىزعا تومەندەگەن. وسىعان وراي قىسقارتىلعان جۇمىس كەستەسىنە كوشكەن مەترو قىزمەتىندە بۇگىندە بارلىعى 4 ۆاگون عانا جۇمىس ىستەپ تۇر. ولاردىڭ تازالىق تالاپتارىنا ساي بولۋى ءجىتى باقىلاۋدا. بۇل تۋرالى الماتى قالالىق موبيلدىلىك باسقارماسىنىڭ باسشىسى ساعىندىق تەليباەۆ مالىمدەدى.

– دەمالىس كۇندەرى قوعامدىق كولىكتەر 50% دەيىن ازايتىلدى. ءبىر كۇندە 991 اۆتوبۋس جۇمىس ىستەپ ءجۇر. سونىمەن قاتار، ءبىر اۆتوبۋستاعى ورتاشا جولاۋشىلار تاسىمالى كۇنىنە 100 ادامنان اسپايدى. ال ءبىر اينالىمداعى جولاۋشىلاردىڭ ورتاشا اعىمى 25 ادام. بۇل، اۆتوبۋس سالونىنا 12-13 ادامنان كوپ وتىرمايدى دەگەن ءسوز. كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا بارلىق اۆتوبۋستاردا دەزينفەكتسيا جۇمىستارى جۇرگىزىلەدى. ونى ماماندانعان كلينينگىلىك كومپانيالار جاساۋدا. اۆتوبۋستار تۇنگى ۋاقىتتا جانە كۇندىز سوڭعى ايالدامادا تولىعىمەن زالالسىزداندىرىلادى. جولاۋشىلار سانىنىڭ ازايۋى اۆتوبۋس جۇرگىزۋشىلەرىنىڭ جالاقىسىنا اسەر ەتپەيدى، ولار كارانتين رەجيمىنە دەيىن قانداي كولەمدە جالاقى الىپ كەلسە، سول تولەنەدى. قوعامدىق كولىكتىڭ بارلىق جۇرگىزۋشىسى تاڭەرتەڭ جۇمىسقا كىرىسپەس بۇرىن مەديتسينالىق تەكسەرىستەن وتەدى. ول جەردە قان قىسىمى، دەنە تەمپەراتۋراسى تەكسەرىلەدى. ەگەر سول كەزدە جۇرگىزۋشى دەنساۋلىعىنىڭ ناشار ەكەنىن ايتسا، بىردەن جەدەل جاردەم شاقىرىلادى،  – دەيدى الماتى قالالىق موبيلدىلىك باسقارماسىنىڭ باسشىسى ساعىندىق تەليباەۆ.

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار