ايماقتار • 08 ءساۋىر، 2020

تۇركىستان قالاسىندا ينفراقۇرىلىمدى دامىتۋعا ەرەكشە ءمان بەرىلۋدە

23 رەتكورسەتىلدى

بيىل تۇركىستان قالاسىنىڭ اكىمشىلىك-ىسكەرلىك ورتالىعىنا ىرگەلەس ورنالاسقان، ياعني ينفراقۇرىلىمى تولىق اياقتالعان جەرلەردە 100 شاقىرىم بولاتىن 81 كوشەگە ورتاشا جوندەۋ جۇمىستارىن جۇرگىزۋ جوسپارلانعان.

بۇگىندە جاڭا كوشەلەردە جول نەگىزىن دايارلاۋ، اياق جولداردىڭ جيەكتاستارىن ورناتۋ جۇمىستارى جۇرگىزىلۋدە. سونىمەن قاتار، مايكوتوۆ كوشەسىنە دەيىن اۆتوجول سالىنۋدا. وبلىس اكىمى ومىرزاق شوكەەۆ تۇركىستان تۇرعىندارىنىڭ ءومىر ءسۇرۋ ساپاسىن جاقسارتۋدىڭ نەگىزى رەتىندە ينفراقۇرىلىمدى دامىتۋعا ەرەكشە ءمان بەرۋدە. وسى ورايدا، ءوڭىر باسشىسى جاۋاپتى سالا جەتەكشىلەرىمەن بىرگە وبلىس ورتالىعىن ارالاپ، قالانىڭ باس جوسپارىنا سايكەس اتقارىلىپ جاتقان جۇمىستاردى پىسىقتادى، ءتيىستى سالا باسشىلارىنا ناقتى تاپسىرمالار بەردى. شاھارداعى جول جوندەۋ، گاز، اۋىزسۋ مەن كارىز جۇيەسىن جۇرگىزۋ جۇمىستارىمەن تانىسقان وبلىس اكىمى ءتيىستى سالا جەتەكشىلەرىنەن قۇرىلىستىڭ كەستەگە سايكەس بەلگىلەنگەن مەرزىمىندە اياقتالۋىن تالاپ ەتتى.

قالا اۋماعىندا «جاسىل بەلدەۋ» قالىپتاستىرۋ بويىنشا بيىل 100 گەكتار جەرگە تەمىرجول بويىنىڭ وڭ جاعالاۋى مەن ارىس-تۇركىستان ارناسىنىڭ اينالاسىن جاسىل جەلەككە وراۋ جوسپارلانعان. سونىمەن قاتار، قالا اۋماعىندا جاڭا جوباعا سايكەس ب.ساتتارحانوۆ داڭعىلىندا تىرەۋ بەكەتىن ورناتۋ، قىزىلوردا تاس جولى بويىندا اللەيا الاڭى مەن تەمىرجول ۆوكزالىنىڭ الدىنا تاس توسەپ، «جەڭىس» ساياباعىنان ورتالىق بازارعا باراتىن جولدى اباتتاندىرۋ جۇمىستارى باستالدى. ارىس-تۇركىستان ارناسىنان باستاۋ الاتىن بىرنەشە يرريگاتسيالىق كانالداردىڭ قۇرىلىسىن مامىر ايىندا تولىق اياقتاپ، پايدالانۋعا بەرۋ كوزدەلگەن. تۇركىستان قالاسىندا 52 مىڭنان استام ابونەنتتىڭ 65%-نا گاز قۇبىرلارى تارتىلعان. تۇرعىنداردى تابيعي گازبەن قامتاماسىز ەتۋ جۇمىستارى جالعاسۋدا. بيىل بيۋدجەتتەن قارالعان قارجىعا 25 نىساننىڭ قۇرىلىس جۇمىستارىن جۇرگىزىپ، جىل سوڭىنا دەيىن تۇركىستان قالاسىن گازبەن تولىعىمەن قامتۋ كوزدەلىپ وتىر.

سونداي-اق نەبارى 16%-ى كارىز جۇيەسىمەن قامتىلعان تۇركىستان قالاسىنىڭ ەكولوگيالىق جاعدايىن جاقسارتۋ  ماقساتىندا جان-جاقتى تالداۋ جۇمىستارى جۇرگىزىلگەن. ناتيجەسىندە قالانى 2021 جىلعا دەيىن  100% كارىز جۇيەسىمەن   قامتاماسىز ەتەتىن  10 نىساننىڭ جوباسى ازىرلەنىپ، كەشەندى جوسپارعا ەنگىزىلگەن.

 

 

تۇركىستان وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار