قوعام • 08 ءساۋىر، 2020

وتباسىنداعى جانجالعا COVID-19 ۆيرۋسىمەن كۇرەس تە توسقاۋىل بولماي تۇر

53 رەتكورسەتىلدى

ەلىمىزدەگى ىشكى ىستەر ورگاندارىنىڭ دەرەكتەرى بويىنشا پاندەميا كەزىندە دە قىلمىسقا توسقاۋىل جوق. ەسىرتكى ساۋداسى، قاراقشىلىق، ۇرلىق جاساۋ سياقتى قىلمىستارمەن قاتار زورلىق-زومبىلىق دەرەكتەرى دە ازايماي تۇر. بۇل الەمدى الاڭداتىپ وتىرعان جايت. وسى ورايدا وتباسىنداعى زورلىق-زومبىلىققا قاتىستى دابىل قاققان  بۇۇ-نىڭ باسشىسى انتونيۋ گۋتەرريش ءار ەلدى بۇل ماسەلەگە بەي-جاي قاراماۋعا شاقىرا وتىرىپ، كوپتەگەن ايەلدەر مەن قىز بالالاردىڭ قاۋىپسىزدىگىنە الاڭداۋشىلىعىن ءبىلدىردى.  

گۋتەرريش ۇيدە وقشاۋلانۋ جانە COVID-19 ۆيرۋسىنان ساقتانۋدا كارانتين رەجيمىندە اگرەسسياعا تاپ بولعان ايەلدەر ماسەلەسىن قوزعادى. ونىڭ ايتۋىنشا، ەكونوميكالىق داعدارىس، الەۋمەتتىك جاعدايلاردىڭ ۋشىعۋى، قورقىنىش پەن ۇرەيگە تولى كەزەڭدە وتباسىنداعى زورلىق-زومبىلىقتىڭ جاھاندىق سيپات الىپ وتىرعانىنا توقتالدى.  وسى ورايدا  كەيبىر ەلدەردە قولداۋ قىزمەتىنە جۇگىنەتىن ايەلدەردىڭ سانى ەكى ەسە ارتقان.

بۇۇ مالىمەتى بويىنشا، الەمدە 2017 جىلى قايتىس بولعان ايەلدەردىڭ 58 پايىزى وتباسى مۇشەسىنىڭ قولىنان قازا تاپتى. پاندەميا جاعدايىندا كوپتەگەن ەلدەردە مەديتسينالىق مەكەمەلەردىڭ، ماماندار مەن پوليتسەيلەردىڭ سونىمەن قاتار جەرگىلىكتى قولداۋ توپتارىنىڭ جەتىسپەۋشىلىگى مەن ولارعا قارجىلاي مۇمكىندىكتىڭ جوقتىعى بەلەڭ الۋدا. ال كوپتەگەن ەلدەردە ءۇي زورلىعىنىڭ قۇرباندارىنا ارنالعان باسپانالار جابىلىپ، باسقالارىندا ورىن جەتىسپەۋشىلىگى بايقالادى.

بۇۇ باس حاتشىسى وسى ورايدا ازاماتتىق قوعامدا ونلاين قولداۋ قىزمەتتەرى مەن ۇيىمداردى قارجىلاندىرۋ كولەمىن ارتتىرۋ جانە ايەلدەرگە كۇش كورسەتەتىندەردىڭ زاڭمەن جازالاناتىندىعىن قاپەردە ۇستاۋ قاجەتتىگىن ەسكەرتتى.  سونداي-اق، قولداۋ قىزمەتتەرى قابىلداۋ ورتالىقتارىنىڭ مەكەن-جايى جاريالاپ، ازىق-ت ۇلىك دۇكەندەرى مەن ءدارىحانالاردا زورلىق-زومبىلىق قاۋپى تۋرالى جەدەل حابارلاۋ جۇيەلەرىن ورناتۋدى ۇسىندى. مۇنداي جاعدايدا ايەلدەردىڭ ومىرىنە قاۋىپ تونبەۋى قاجەت ءارى جابىرلەۋشى بۇل جاعدايدان حابارلانىپ ۇلگەرمەۋى ءتيىس.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار