«مەملەكەت باسشىسى اعىمداعى جىلدىڭ كوكتەمگى ەگىس جۇمىستارىن ۋاقىتىندا جۇزەگە اسىرۋ بويىنشا مىندەت قويدى. قىسقا اگرومەرزىمدە ساپالى وتكىزىلەتىن كوكتەمگى ەگىس جۇمىستارى جاقسى ءونىم كەپىلى بولىپ تابىلادى. بۇل ەلدىڭ ازىق-ت ۇلىك قاۋىپسىزدىگىنە تىكەلەي اسەر ەتەتىنى بەلگىلى. 2020 جىلى اۋىلشارۋاشىلىعى داقىلدارىنىڭ جالپى ەگىس كولەمى 22.5 ملن گەكتاردى قۇرادى. ءداندى –داقىلدار الاڭى 15.2 ملن گەكتار. ونىڭ ىشىندە بيداي الاڭى 11.4 ملن گەكتار. مەملەكەت باسشىسىنىڭ تاپسىرماسى بويىنشا ەگىس القاپتارىن ءارتاراپتاندىرۋ جانە جوعارى رەنتابەلدى داقىلدار وسىرۋگە كوشۋ بويىنشا جۇمىستار جالعاسۋدا. وسىلايشا, مايلى داقىلدار الاڭى 3 ملن گەكتاردى قۇرادى» دەدى ول.
سونداي-اق ول كوكونىس پەن كارتوپ الاڭدارى 19 مىڭ گەكتارعا, ازىق داقىلدارى الاڭى 309 مىڭ گەكتارعا وسۋگە قامتاماسىز ەتىلگەندىگىن ايتتى.
«ەگىس الاڭدارىنىنىڭ قۇرىلىمىن وبلىس اكىمدەرىنە ىشكى نارىقتىڭ قاجەتتىلىگىنە قاراي جەتكىزەمىز. مىسالى, قاراقۇمىق الاڭىن 30 مىڭ الاڭعا كوبەيتۋ جوسپارلانۋدا. بۇل ءوزىمىزدى قاراقۇمىقپەن تولىق قامتاماسىز ەتۋگە مۇمكىندىك بەرەدى. وبلىستاردىڭ جەرگىلىكتى بيۋدجەتىنەن تۇقىم شارۋاشىلىعىن دامىتۋعا سۋبسيديا 11.3 ملرد تەڭگە قاراستىرىلعان. قوسىمشا رەسپۋبليكادان 2,5 ملرد تەڭگە ءبولىندى. سونداي-اق جوعارى ءونىمدى الۋ ءۇشىن تىڭايتقىشتاردى قولدانۋ ماڭىزدى ءرول اتقارادى. 2020 جىلعا وبلىستاردىڭ جەرگىلىكتى بيۋدجەتتەرىنەن 23.3 ملرد تەڭگە قاراستىرىلعان. بۇل 480 مىڭ توننا تىڭايتقىشتى ساتىپ الۋعا مۇمكىندىك بەرەدى» دەدى ايداربەك ساپاروۆ.
