پارلامەنت • 08 ءساۋىر، 2020

سەناتورلار قىلمىستىق جولمەن الىنعان كىرىستەردى زاڭداستىرۋعا قارسى زاڭ جوباسىن قارادى

172 رەتكورسەتىلدى

سەناتتىڭ قارجى جانە بيۋدجەت كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.

زاڭ جوباسى قازاقستان رەسپۋبليكاسىندا قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل جونىندەگى ەۋرازيالىق توپتىڭ (ەات) ءوزارا باعالاۋىنىڭ 2021-2022 جىلدارى ءبىزدىڭ ەلىمىزدە ءوتۋى ءتيىس ەكىنشى راۋندىنا دايىندالۋ ماقساتىن كوزدەيدى.

قۇجاتتىڭ تاعى ءبىر ماقساتى - قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى زاڭنامانى اقشانى جىلىستاتۋعا قارسى كۇرەستىڭ قارجىلىق شارالارىن ازىرلەيتىن توپتىڭ (فاتف) حالىقارالىق ستاندارتتارىنا سايكەس كەلتىرۋ بولىپ تابىلادى.

زاڭ جوباسىن ازىرلەۋشىلەردىڭ ايتۋىنشا، زاڭ قابىلدانعان جاعدايدا ۇلتتىق قارجى جۇيەسىنىڭ قاۋىپسىزدىگى مەن اشىقتىعى ارتا تۇسەدى، اقشانى جىلىستاتۋ جانە تەرروريزمدى قارجىلاندىرۋ ءۇشىن پايدالانۋدان قورعاۋ، تەرروريزمدى قارجىلاندىرۋ مەن جاپپاي قىرىپ-جويۋ قارۋلارىن تاراتۋدى قارجىلاندىرۋعا قارسى كۇرەس سالاسىنداعى حالىقارالىق مىندەتتەمەلەردى ورىنداۋ جانە تەرروريستىك شابۋىلدار جاساۋعا بايلانىستى جاعدايلاردا بارىنشا جەدەل ارەكەت جاسالاتىن بولادى.

دەپۋتاتتار كەڭەيتىلگەن وتىرىستى قورىتىندىلاي كەلىپ، اتالعان زاڭ جوباسىن سەناتتىڭ جالپى وتىرىسىندا قاراۋ تۋرالى شەشىم قابىلدادى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار