ۋنيۆەرسيتەتتىڭ پيلوتتىق جوباسى الماتى قالاسى قانىش ساتپاەۆ اتىنداعى № 56 گيمنازيانىڭ ءبىلىم بەرۋ پروتسەسىنە قولداۋ كورسەتۋ جانە ونلاين-ساباقتاردى وتكىزۋدەگى تاجىريبەسىنىڭ نەگىزى بولىپ تابىلادى. UIB ماماندارى ونلاين فورماتتاعى ساباقتاردى وتكىزۋ بويىنشا قوسىمشا قۇرالداردى پايدالانۋ تالاپ ەتىلگەن وقىتۋ بارىسىن قولداۋدا سەنىمدى. بۇل رەتتە وقىتۋ ادىستەمەسى مەن وقۋشىلارمەن قارىم-قاتىناس فورماتىن مەكتەپتىڭ ءوزى انىقتايدى.
قانىش ساتپاەۆ اتىنداعى № 56 گيمنازيانىڭ ديرەكتورى اينۇر نۇرپەيىسوۆا اتاپ وتكەنىندەي, گيمنازيانىڭ مۇعالىمدەرى مەن وقۋشىلارى وسىنداي قيىن ۋاقىتتا ونلاين-پلاتفورمانىڭ بارلىق مۇمكىندىكتەرىن پايدالانا وتىرىپ, قاشىقتىقتان ءبىلىم الۋ مۇمكىندىگىنە يە. UIB IT-ماماندارى Microsoft Teams پلاتفورماسىن ارنايى وسى گيمنازيا ءۇشىن بەيىمدەدى. ال بارلىق مەكتەپتەر ءۇشىن 2000-نان استام ەسەپتىك جازبالار جاسالىپ, ۆيرتۋالدى كلاستاردى قالىپتاستىردى. پلاتفورمانىڭ ءاربىر پايدالانۋشىسى ءۇشىن بەينەقۇرىلىمداردى ازىرلەپ, تەحنيكالىق جانە سەرۆيستىك قولداۋدى جۇزەگە اسىراتىن بولادى.
UIB ۋنيۆەرسيتەتىنىڭ پرەزيدەنتى دارحان احمەد-زاكي قاشىقتان وقۋدى قولداۋعا بايلانىستى ۋنيۆەرسيتەتتىڭ باستاماسىنا وراي «سوڭعى جىلدارى ءبىز MBA جاڭا باعدارلامالارى مىسالىندا ونلاين-وقىتۋ كەزىندە ءبىلىم الۋشىلارمەن ءوزارا ءىس-قيمىل جاساۋدىڭ زاماناۋي ادىستەمەسى مەن نىساندارى بويىنشا مول تاجىريبە جيناقتادىق. بۇگىن GSB UIB executive جانە MBA-دا ءمودۋلدى-قاشىقتىقتان وقىتۋ فورماتتارىن ۇسىنادى. ءبىزدىڭ ستۋدەنتتەرىمىزدىڭ الەۋمەتتىك دامۋى مەن مانساپتىق ءوسۋىن ۇيىمداستىرۋ ءۇشىن قاجەتتى قۇزىرەتتىلىكتى باعالاۋ جانە قالىپتاستىرۋ ارقىلى قازىردىڭ وزىندە جاڭا تسيفرلىق سەرۆيستەر ەنگىزىلۋدە: UIB_Social_development, UIB_ROS جانە UIB_Jumys. ءوزىنىڭ ءۇشىنشى ميسسياسىن جۇزەگە اسىرا وتىرىپ, UIB قالامىزدىڭ مەكتەپتەرى مەن كوللەدجدەرىنە ونلاين جانە ەۇ ۇيىمداستىرۋعا قولداۋ كورسەتۋگە دايىن», - دەپ اتاپ ءوتتى.
الماتى
