قوعام • 08 ءساۋىر، 2020

يۋنيسەف «ۇيدە وقيمىز» ونلاين-چەللەندجىن باستادى

69 رەتكورسەتىلدى

قازاقستانداعى بۇۇ-نىڭ بالالار قورى (يۋنيسەف) Instagram جانە Facebook جەلىلەرىندە #ۇيدەوقيمىز اتتى ونلاين-چەللەندجىن ىسكە قوستى. ءبىر اي بويى تانىمالى قازاقستاندىق انالار مەن اكەلەر پايدالى جانە قىزىقتى ويىندار مەن ءىس-شارالاردى بارلىق اتا-انالارمەن ءبولىسىپ، ولارعا ۇسىنىلعان شارانى ءوز بالالارىمەن قايتالاۋعا ىنتالاندىراتىن بولادى.

بۇل باستامانىڭ ماقساتى – اتا-انالاردىڭ ءوز بالالارىمەن قارىم-قاتىناسىن نىعايتۋ، سونىمەن قاتار كوروناۆيرۋسقا بايلانىستى كارانتين ۋاقىتىنداعى وقشاۋلانۋدىڭ جاعىمسىز سالدارىن الدىن الۋ. شەكتەۋلەرمەن بىرگە، كارانتين كەزى اتا-انالارعا بالالارىمەن بىرگە كوبىرەك پايدالى جانە قىزىقتى ۋاقىت وتكىزۋگە مۇمكىندىك بەرەدى. سونداي-اق، وسى ونلاين-چەللەندجگە قاتىسۋ ارقىلى اتا-انالار بالالارىمەن بىرگە قىزىقتى ءارى پايدالى بىرلەسكەن شارالاردى جاساۋدىڭ ارقاسىندا اراداعى قارىم-قاتىناستارى جاقسارادى.

«بالالار ويىن ارقىلى ۇيرەنەدى. سوندىقتان قازاقستانداعى يۋنيسەف وكىلدىگى بەلگىلى مەديا تۇلعالار مەن بلوگەرلەردىڭ قاتىسۋىمەن اتا-انالارعا ارنالعان #ۇيدەوقيمىز اتتى ونلاين-چەللەندجىن باستادى. بۇل جوبانىڭ اتا-انالار مەن كىشكەنتاي بالالاردىڭ بىرلەسكەن ويىندارى مەن ءىس-شارالارىنىڭ رەپەرتۋارىن كەڭەيتۋگە، اتا-انا مەن بالانىڭ اراسىنداعى بايلانىستى نىعايتىپ، جاقسارتۋعا، سونىمەن قاتار بالاباقشا مەن مەكتەپكە دايىندالۋىنا كومەكتەسەتىندىگىنە ءبىز سەنىمدىمىز. وسىلايشا، ءاربىر قازاقستاندىق بالا قاۋىپسىز جانە قولايلى ورتادا بارىنشا تولىقتاي دامۋى ءۇشىن، ءبىز ءپوزيتيۆتى تاربيەلەۋ مادەنيەتىن دامىتىپ، اكەلەردىڭ بالا تاربيەسىنە قاتىسۋىن ىنتالاندىرعىمىز كەلەدى»، - دەپ ءبولىستى يۋنيسەف-ءتىڭ قازاقستانداعى وكىلى ارتۋر ۆان ديزەن.

قازاقستانداعى يۋنيسەف-ءتىڭ قوعاممەن بايلانىس مامانى اسەل سادۋوۆانىڭ ايتۋىنشا، #ۇيدەوقيمىز چەللەدجىنىڭ العاشقى تاپسىرماسىن يۋنيسەف-ءتىڭ ىزگى نيەت ەلشىسى، بەلگىلى شاحماتشى دينارا سادۋاقاسوۆا جاريالادى. سونىمەن قاتار، بەلگىلى ءارتىس سانجار ءمادي، جازۋشى اسەل ساپاقوۆا، بلوگەرلەر الميرا ورلوۆا جانە اينا دوسماحامبەتقىزى، ءارتىس مۇرات مۋتۋرگانوۆ، تەلەجۇرگىزۋشىلەر ايگەرىم ەسەنالى جانە دانيار ەسەن، كاسىپكەر راميل مۋحورياپوۆ، پسيحولوگ دينارا بولات، جۋرناليست دانيار مۋسيروۆ جانە باسقا دا تانىمال تۇلعالار وسى باستاماعا قاتىسۋعا كەلىسىمىن بەردى.

ونلاين-چەللەندج قالاي وتەتىن بولادى؟

اعىمداعى جىلدىڭ 15 مامىرىنا دەيىن ءبىر اي بويى، كۇن ارا بەلگىلى مەديا تۇلعالاردىڭ نەمەسە بلوگەرلەردىڭ ءبىرى يۋنيسەف-ءتىڭ Instagram جانە Facebook پاراقشالارى مەن وزدەرىنىڭ پاراقشالارىندا اتا-انالارعا ارناپ پايدالى ويىن نەمەسە ءىس-ارەكەتتى ۇسىناتىن بولادى.

ءاربىر اتا-انا وسى باستاماعا قوسىلۋى ءۇشىن ۇسىنىلعان ويىن نەمەسە تاپسىرمانى بالالارىمەن قايتالاپ، ونى بەينەگە ءتۇسىرىپ، ءوز پاراقشالارىندا پوست نەمەسە ستوريز ارقىلى جاريالاۋى قاجەت. ەڭ باستىسى @Unicefkazakhstan تەگىن بەلگىلەپ، #ۇيدەوقيمىز حەشتەگتەرىڭ جازۋى قاجەت. ونلاين-چەللەندجدىڭ بارلىق ءىس-شارالارى يۋنيسەف-ءتىڭ Instagram جانە Facebook پاراقشالارىندا جاريالانىپ وتىراتىن بولادى.

 

الماتى

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار