بيزنەس • 08 ءساۋىر، 2020

Jýsan Bank پاندەميا كەزىندە بيزنەسكە قولداۋ كورسەتەدى

30 رەتكورسەتىلدى

Jýsan Bank كوروناۆيرۋستىق ينفەكتسيا پاندەمياسىنا بايلانىستى ەلىمىزدە توتەنشە جاعداي رەجيمى ەنگىزىلگەننەن كەيىن زارداپ شەككەن قازاقستاندىق شاعىن جانە ورتا بيزنەسكە قولداۋ كورسەتۋدە.

شاعىن جانە ورتا كاسىپكەرلىك سۋبەكتىلەرىن، ونىڭ ىشىندە جەكە كاسىپكەرلەردى قولداۋدىڭ ارنايى باعدارلاماسى شەڭبەرىندە اينالىمدىق قاراجاتتى تولىقتىرۋعا جىلدىق 8%-دان اسپايتىن مولشەرلەمەمەن جەڭىلدىكتى كرەديتتەر بولىنەتىن بولادى. 

باعدارلاما شارتتارى بويىنشا قارىزدىڭ ەڭ جوعارى مەرزىمى 12 ايعا دەيىن مەرزىمدى قۇرايدى. بۇل رەتتە كرەديت بەرۋدىڭ ەڭ جوعارى سوماسى جەكە كاسىپكەرلەر ءۇشىن 50 ملن تەڭگەگە دەيىن جانە زاڭدى تۇلعالار ءۇشىن قىزمەتتىڭ قانداي دا ءبىر سالالارى بويىنشا شەكتەۋسىز 3 ملرد تەڭگەگە دەيىن سومانى قۇرايدى.

Jýsan Bank باسقارما توراعاسىنىڭ ورىنباسارى ميراس شايحىسلاموۆ. ء«بىز بۇرىننان كەلە جاتقان كليەنتتەر مەن جاڭا كليەنتتەردى قارجىلاندىرۋدى قاراستىرىپ جاتىرمىز. بۇل تابىسى ازايعان، ساتىپ الۋشىلار تاراپىنان تولەمدەر كەشىكتىرىلىپ جاتقان، سونداي-اق قىزمەتكەرلەرىنىڭ شتاتتىق سانى قىسقارتىلعان كومپانيالار بولۋى مۇمكىن. وسىنداي قيىن كەزەڭدە ءبىز كليەنتتەرىمىزگە كومەك كورسەتۋگە جانە وتاندىق بيزنەستى قولداۋعا دايىنبىز»، - دەپ اتاپ ءوتتى  دەلىنگەن بانك حابارلاماسىندا.

Jýsan Bank  ءوز كليەنتتەرىنە قولداۋ كورسەتە وتىرىپ، 90 كۇنگە دەيىنگى مەرزىمگە كرەديتتەر بويىنشا كەيىنگە قالدىرۋ مۇمكىندىگىن ۇسىنعان بولاتىن. شوب سۋبەكتىلەرىنە جەڭىلدىكتى كرەديت بەرۋ باعدارلاماسىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسى بويىنشا ۇلتتىق بانك جانە قارجى نارىعىن رەتتەۋ جانە دامىتۋ اگەنتتىگى قۇراستىردى.

باعدارلامانى ىسكە اسىرۋعا اكتيۆتەر ساپاسىنىڭ تاۋەلسىز باعالاۋىنان وتكەن (AQR)، پورتفەلىندە شوب سۋبەكتىلەرىنىڭ قارىزدارى بار باعدارلاما قاتىسۋشىلارى - ەكىنشى دەڭگەيلى 13 بانكتە سالىمداردى ورنالاستىرۋ ارقىلى 600 ملرد تەڭگە بولىنەدى. باعدارلاما وپەراتورى – قازاقستان ورنىقتىلىق قورى.

بانكتىڭ سايتىندا جەڭىلدىكتى كرەديت بەرۋدىڭ شارتتارىمەن تانىسۋعا، سونداي-اق قازىردەن باستاپ ءوتىنىش بەرۋگە بولادى.

 

الماتى

 

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار