پارلامەنت • 08 ءساۋىر، 2020

نۇرلان نىعماتۋلين ەلباسى ماقالاسىنا قاتىستى پىكىر ءبىلدىردى

308 رەتكورسەتىلدى

بۇگىن ءماجىلىستىڭ جالپى وتىرىسىندا پارلامەنت ءماجىلىسىنىڭ توراعاسى نۇرلان نىعماتۋلين ەلباسى نۇرسۇلتان نازارباەۆتىڭ جاريالاعان ماقالاسىنا قاتىستى پىكىر ءبىلدىردى.

«بۇگىن بارشا رەسپۋبليكالىق اقپارات قۇرالدارىندا تۇڭعىش پرەزيدەنتتىڭ ارنايى ۇندەۋى جاريالاندى. بۇل ۇندەۋ ەلباسى نۇرسۇلتان ءابىش ۇلى نازارباەۆتىڭ ارقاشاندا حالقىمەن بىرگە ەكەنىن كورسەتىپ، حالقىمىزدىڭ ىنتىماعىن ودان ءارى نىعايتۋعا سەرپىن بەرەدى. سەبەبى ەلباسىنىڭ كورەگەن ساياساتىنىڭ ارقاسىندا تاۋەلسىزدىك جىلدارى بىرلىگىمىز ارتىپ، ەلىمىزدە ءىرى ساياسي، ەكونوميكالىق، الەۋمەتتىك رەفورمالار جاسالىپ، قازاقستانىمىز بارلىق سالادا زور تابىستارعا جەتتى. سونىمەن بىرگە، بولاشاققا ارنالعان ۇلتتىق قورىمىز دا بار. بۇل قازىرگى كۇردەلى كەزەڭدە حالقىمىزدى، ءاربىر ازاماتتى جان-جاقتى قولداۋعا مۇمكىندىك بەرىپ وتىر. ءبىز بىرلىكتى، كەلىسىمدى، تۇراقتىلىقتى ساقتاپ، ۋاقىتشا قيىندىقتان امان-ەسەن شىعاتىن بولامىز»، - دەدى ن. نىعماتۋلين ءماجىلىستىڭ جالپى وتىرىسىندا. 

ايتا كەتەيىك، بۇگىن تۇڭعىش پرەزيدەنت – ەلباسى نۇرسۇلتان نازارباەۆتىڭ «بىرلەسە بىلگەن ەل ءبارىن جەڭەدى» اتتى ماقالاسى جاريالاندى.

سوڭعى جاڭالىقتار

ۇقساس جاڭالىقتار