الەم • 08 ءساۋىر، 2020

رەسەي ورتالىق بانكىنىڭ توراعاسى بانكتەردەن نەسيەلەندىرۋدى قىسقارتپاۋىن تالاپ ەتەدى

24 رەتكورسەتىلدى

«رەسەيدەگى ورتالىق بانك توراعاسى ەلۆيرا نابيۋللينا بانكتەرگە وزدەرىنىڭ پايداسى تۋرالى ەمەس، نارىقتىق جاعدايدى قالىپقا كەلتىرۋ تۋرالى ويلانۋدى ەسكەرتتى» دەپ حابارلايدى «كوممەرسانت» باسىلىمى.

رەسەيدەگى №1 بانكيردىڭ مۇنداي   مالىمدەمەسى «الفا-بانك» ساۋىردەن باستاپ پاندەميادان زارداپ شەككەن سالالاردىڭ قىزمەتكەرلەرىنە يپوتەكالىق نەسيە بەرۋدى توقتاتا تۇرعانى تۋرالى اقپاراتتان كەيىن پايدا بولدى.  

«رەسەي بانكى ادامدارعا جانە كومپانيالارعا قولداۋ كورسەتۋ، ولارعا شەكتەۋلى شارالار كەزەڭىنەن وڭاي وتۋگە مۇمكىندىك بەرەتىن شارالار قابىلدادى»، دەدى  ورتالىق بانك توراعاسى.

«كوممەرسانت»  نابيبۋللينا حانىمنىڭ بۇل ءسوزىن بانكتىڭ ءباسپاسوزى تاراتقان حابارلاماسىنا سىلتەمە جاساي وتىرىپ قولدانعانىن ايتىپتى.  

نابيبۋللينا حانىمنىڭ ايتۋىنشا مۇنداي شارا بانك تابىسىن قورعاۋ ءۇشىن ەمەس، نەسيەلەندىرۋدى قولداۋ جانە ادامدار مەن بيزنەسكە كەلەتىن ىندەت زارداپتارىن ازايتۋ ءۇشىن ەنگىزىلگەن.

وسىعان دەيىن الفا-بانك COVID-19 كوروناۆيرۋس پاندەمياسىنان زارداپ شەككەن سالالاردا جۇمىس ىستەيتىن قارىز الۋشىلارعا نەسيە بەرۋدى، ونىڭ ىشىندە يپوتەكالىق نەسيە بەرۋدى ۋاقىتشا شەكتەدى. بانك بۇل شەشىمىن كليەنتتەردى ىقتيمال تاۋەكەلدەردەن قورعاۋ دەپ ءتۇسىندىردى.

بۇل شەكتەۋلەر تۋريزم، مەيمانحانا جانە مەيرامحانا بيزنەسىندەگى جۇمىسشىلارعا اسەر ەتتى.

سوڭعى جاڭالىقتار

ۇقساس جاڭالىقتار