ەكونوميكا • 08 ءساۋىر، 2020

قازاقستاننىڭ ءىرى بيزنەس وكىلدەرى سالىق جەڭىلدىكتەرىن سۇرايدى

18 رەتكورسەتىلدى

ەندى ء ىرى بيزنەس وكىلدەرى دە  پرەفەرەنتسيالار الۋعا نيەت ءبىلدىرىپ وتىر.  «اتامەكەن» ۇكپ  سالىق دەپارتامەنتىنىڭ ديرەكتورى جەڭىس جانبولاتوۆا قابىلداناتىن شارالار شوب-تى السىرەتىپ الماۋعا باعىتتالعانىن ايتتى.  بىراق قازىرگى تاڭدا  ءىرى بيزنەس وكىلدەرى قيىندىقتارمەن بەتپە-بەت قالىپ وتىر.

اي سايىن تولەيتىن اۆانستىق تولەمدەرىندە دە پروبلەمالار بار. ولار كەيبىر تولەم تۇرلەرىنىڭ كەيىنگە شەگەرىلگەنىن قالايدى. سەبەبى شوب-تىڭ الەۋەتىن كوتەرۋگە باعىتتالعان شارالاردىڭ شاپاعاتى بيزنەس وكىلدەرىنىڭ بارىنە بىردەي جەتپەي جاتىر. سونداي-اق ءىرى بيزنەس وكىلدەرى  ققس پايىزدىق مولشەرلەمەسىن قايتا  قاراۋدى سۇراپ وتىر. قازىر بۇل ۇسىنىس كاسىپكەرلەر اراسىندا تالقىلانىپ جاتىر. ولاردىڭ پىكىرلەرى مەن ۇسىنىستارى زەرتتەلىپ، زەردەلەنگەن سوڭ ۇكىمەتكە ۇسىنىس رەتىندە جولدانادى.   ءبىرىنشى پاكەت قابىلدانعان كەزدە جاعداي باسقاشا ەدى. ول كەزدە نۇر-سۇلتان قالاسى مەن الماتى قالاسى عانا كارانتينگە جابىلعان. قازىر جاعداي باسقاشا.  ەكى قالانىڭ ەمەس، ەلدەگى بارلىق كاسىپكەرلەر قيىندىقپەن بەتپە-بەت قالىپ وتىر. سول سەبەپتى جاعدايدىڭ بەتالىسىنا قاراپ شەشىم قابىلدانعانىن قالايمىز» دەيدى ول. 

ونىڭ پىكىرىنشە، سالىقتىڭ ءۇش ايعا كەيىنگە شەگەرۋ ماسەلەسى تاعى دا پىسىقتالاتىن بولدى. «كوپ نارسە جاسالىپ جاتىر، كوپتەگەن شارالار قابىلدانۋدا. قازىر توتەنشە جاعدايلاردان زارداپ شەككەن سالالار انىقتالىپ جاتىر. سول سەبەپتى كەيبىر شارالار كەزەڭ-كەزەڭمەن جۇرگىزىلگەنى دۇرىس. العاشقى كومەك پاكەتى بويىنشا قولداۋ شارالارى 1،3 ملن كاسىپكەردى قامتىدى» دەيدى جانبولاتوۆا.

سونداي-اق جالاقى قورىنان سالىقتى كەيىنگە شەگەرۋ توتەنشە جاعدايدا ەڭ كوپ زارداپ شەككەن سالالارعا قاراي باعىتتالىپ جاتىر. «قازىر جۇمىس ىستەپ، پايدا تاۋىپ، كەيبىر وپەراتسيالاردى جۇزەگە اسىرىپ جاتقان سالالار بار. جاعدايدىڭ قالاي بولاتىنى الداعى ۋاقىتتا انىقتالادى. كاسىپكەرلەر ءالى جۇمىس ىستەيتىن سالالار بار. ولاردىڭ كىرىستەرى بار، كەيبىر وپەراتسيالار جاسالادى. ەڭبەكاقى قورىنىڭ جۇكتەمەسى 32،5% قۇرايدى دەلىك. ال زارداپ شەككەن سالالار ءۇشىن التى اي ىشىندە تولىقتاي جويىلادى. مەملەكەت باسشىسى سالالاردىڭ ءتىزىمى جاڭارتىلاتىن بولادى دەدى. بۇل ءتىزىم كەزەڭ-كەزەڭمەن، جاعدايعا بايلانىستى كەڭەيەتىن شىعار»،  دەپ تۇيىندەدى جانبولاتوۆا.

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار