سپورت • 08 ءساۋىر، 2020

ۆەلوسپورت: «تۋر دە فرانس» كەيىنگە شەگەرىلەدى

14 رەتكورسەتىلدى

ۆەلوشاباندوزدار اراسىنداعى ەڭ مارتەبەلى جارىس – «تۋر دە فرانس» ۇستىمىزدەگى جىلى 27 ماۋسىم مەن 19 شىلدە ارالىعىندا وتۋگە ءتيىس ەدى. الايدا ۇيىمداستىرۋشىلار ونى كەيىنگە شەگەرۋ جاعىن قاراستىرۋدا.

117 جىلدىق تاريحى بار ايتۋلى دودادا تالاي جاقسىلار مەن جايسانداردىڭ ونەر كورسەتكەنى بەلگىلى. وسى جارىستا ەڭ كوپ جۇلدە العاندار – فرانتسيالىق جاك انكەتيل (1957، 1961-64) مەن بەرنار ينو (1978-79، 1981-82، 1985)، گەرمانيالىق ەدۋارد مەركس (1969-1972، 1974) جانە يسپانيالىق ميگەل يندۋراين (1991-95). سول ساڭلاقتاردىڭ ارقايسىسى بەس رەتتەن توپ جاردى. كەيىننەن لەنس ارمسترونگ (1999-2005) ولاردىڭ الدىن وراپ كەتتى. الايدا «تۋر دە فرانستىڭ» جەتى دۇركىن جەڭىمپازىنا «دوپينگ قولداندى» دەگەن ايىپ تاعىلىپ، اقش سپورتشىسى بارلىق اتاق-داڭقىنان ايىرىلدى.

2009 جىلى وسى جارىستا «استانانىڭ» ساپىندا ونەر كورسەتكەن يسپانيالىق ۆەلوشاباندوز البەرتو كونتادور دارا شىقسا، 2014 جىلى يتاليالىق ۆينچەنتسو نيباليگە تەڭ كەلەر ەشكىم تابىلمادى. ايتۋلى كوماندا باسقا دا اسا بيىك بەلەستەردى باعىندىرىپ، بارشا قازاقستاندىق جانكۇيەرلەردى قۋانىش پەن شاتتىققا بولەگەنى ەسىمىزدە.

كوروناۆيرۋستىڭ كەسىرىنەن «تۋر دە فرانس» بيىلعى جىلى بەلگىلەنگەن ۋاقىتىندا وتپەيتىن بولدى. ۆەلوسپورت سالاسىنىڭ باسى-قاسىندا جۇرگەن ازاماتتار قازىرگى كەزدە بۇل باسەكەنى 25 شىلدە مەن 16 تامىز ارالىعىندا ۇيىمداستىرۋ جاعىن قاراستىرۋدا.

سوڭعى جاڭالىقتار

ۇقساس جاڭالىقتار