ايماقتار • 08 ءساۋىر، 2020

«موسكۆانىڭ» ماسەلەسى كوپ

49 رەتكورسەتىلدى

جاسىراتىنى جوق، اقتوبە قالاسىنىڭ ساۋلەتىنە نۇقسان كەلتىرىپ، سيقىن بۇزىپ تۇرعان جەكە تۇرعىن ءۇي اۋماقتارى جەتەرلىك. سونىڭ ءبىرى، ءتىپتى ءبىرى ەمەس-اۋ، بىرەگەيى قالانىڭ قاق ورتالىعىنداعى ون ەكىنشى شاعىن اۋدان ماڭىندا ورنالاسقان، اقتوبەنىڭ ەڭ باستى كوشەسى ابىلقايىر داڭعىلىنا جالعاساتىن «موسكۆا» جەكە تۇرعىن ءۇي سەكتورى.

ونىڭ «موسكۆا» دەپ اتالۋ سەبەبى – ۇلى وتان سوعىسى كەزىندە ماسكەۋدەن اقتوبەگە كوشىرىلگەن قورعانىستىق جانە ازاماتتىق زاۋىتتاردىڭ جۇمىس­شى­لارى ءدال وسى جەردەن قونىس تەۋىپتى. سودان بۇل اۋماق رەسەي استاناسىنىڭ اتاۋىن يەلەنىپ كەتكەن ەكەن. ءجا، بۇل اراداعى باستى گاپ، ونىڭ قالاي اتالۋىندا ەمەس، وڭكەي سۇرعىلت، الاسا ەسكى تامدار مەن ۇيلەردىڭ كوزگە شىققان سۇيەلدەي بوپ تۇرعانىندا ەمەس پە؟ قىستىڭ كوكتەمگە ۇلاسار كەزىندە «موسكۆانى» سۋ باسىپ كەتەتىنىن دە اقتوبەلىكتەر جىر قىلىپ ايتادى.

بۇگىندە بۇل سەكتور اۋماعىندا 1400 جەكە تۇرعىن ءۇي بار. ونىڭ كوبىسىنىڭ توزىعى جەتكەن، كوپشىلىگىنە كۇردەلى جوندەۋ قاجەت. ەندەشە بۇل باسپانالار بولاشاقتا دا ءدال وسى ازىپ-توزعان كۇيىندە تۇرا بەرە مە، جوق پا؟ راس، بۇعان دەيىن «اكتيۋبگراجدانپروەكت» وڭدىرىستىك كووپەراتيۆى جوبالار مەن سىزبالاردى جاساپ كورگەن. بىراق ونىڭ ءبارى جۇزەگە اسپاي، سول جوبالانعان، سىزىلعان كۇيىندە اياقسىز قالىپ قويىپتى. ءبىز وسى ماقالانى گازەتكە دايىنداۋ بارىسىندا اقتوبەلىك ساۋلەتشىلەر بۇدان بىرنەشە جىل بۇرىن بۇل ۇيلەردىڭ 800-ءىن تۇگەلدەي بۇزىپ، سىرىپ تاستاۋ جونىندە ۇيعارىمعا كەلگەنىن بىلدىك. ال 600-ءىن جەكە ينۆەستيتسيانىڭ كومەگىمەن قايتا جاڭعىرتۋ جونىندە جوسپار جاسالعان ەكەن. دەي تۇرساق تا ۇيلەرى كۇرەسىنگە كەتكەن تۇرعىنداردىڭ قايدا تۇرىپ، پانالايتىنى جونىندەگى ماسەلە تولىق شەشىمىن تاپپاعاندىقتان ونىڭ ءبارى بوس ءسوز بولىپ قالعان سياقتى.

مۇنداي شىعىن جەرگىلىكتى تۇرماق، رەسپۋبليكالىق بيۋدجەتتىڭ وزىنە اجەپتاۋىر اۋىرلىق تۇسىرەدى. بۇدان شىعاتىن ءبىر عانا جول بار. بۇل وسى ىسكە ينۆەستيتسيا تارتۋ. اقتوبە وبلىسى ينۆەستيتسيا تارتۋدان رەسپۋبليكا بويىنشا الدا كەلە جاتقان ءوڭىر. وتكەن جىلى ءوڭىر ەكونوميكاسىنا 850 ميلليارد تەڭگەگە جۋىق ينۆەستيتسيالىق قاراجات قۇيىلدى. ەندەشە ينۆەستيتسيانىڭ كومەگىمەن «موسكۆانى» قالانىڭ اسەم ورتالىعىنا اينالدىرۋدىڭ مۇمكىندىگى بار. ياعني بۇل ءسانى مەن ساۋلەتى كەلىسكەن، جاڭا كوپقاباتتى تۇرعىن ۇيلەرى مەن الەۋمەتتىك-تۇرمىستىق نىساندارى بار ادەمى ورتالىق بولماق.

ءيا، «اكتيۋبگراجدانپروەكت» وڭدىرىستىك كووپەراتيۆىنىڭ توراعاسى اۋباكىر اجىعاليەۆتىڭ مالىمدەۋىنشە، «موسكۆاداعى» باستى ماقسات – بۇل اۋداندى زاماناۋي ورتالىققا اينالدىرۋ. الايدا بۇل سەكتورداعى ينجەنەرلىك-كوممۋنيكاتسيالىق جە­لى­لەر­دىڭ تولىقتاي ءشىرىپ كەتۋى ءبىراز قول­بايلاۋ بولاتىن سياقتى. سوندىقتان ين­جە­نەرلىك جەلىلەردى تۇگەلدەي اۋىس­­­تىرۋ قاجەت. سونداي-اق جالپى قۇ­رى­لىس­تىڭ كەشەندى جوباسى جاسالىپ، ونىڭ تەحنيكالىق-ەكونوميكالىق نەگىز­دەمەسى بەكىتىلۋى كەرەك. وعان ماگيس­ترالدىق جەلىلەر مەن نەگىزگى جول­داردى كەڭەيتۋ ءىسى دە ەنگىزىلگەنى ءجون. تەك سودان كەيىن عانا ۇيلەردى بۇزۋ مەن الىپ تاستاۋ جونىندەگى ماسەلەنى ويلاستىرىپ كورۋگە بولار ەدى دەيدى ساۋلەتشى ماماندار.

ەندەشە «موسكۆا» جەكە تۇرعىن ءۇي سەكتورى زاماناۋي ورتالىققا اينالا الا ما؟ بۇعان قارجىلاندىرۋدان بولەك جاناشىرلىق نيەت تە اۋاداي قاجەت بولىپ تۇر.

 

اقتوبە

 

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

ۇقساس جاڭالىقتار