ايماقتار • 08 ءساۋىر، 2020

جاستار اۋىلدان كەتپەيدى

74 رەتكورسەتىلدى

قازالى اۋدانىنىڭ ورتالىعى ايتەكە بي كەنتى جانىندا ايگىلى ءجالاڭتوس باتىر اتىن يەلەنگەن اۋىل بار. باتىرلىعىنىڭ ارقاسىندا «تۇران جولبارىسى» اتانىپ، كورەگەندىگىمەن سامارقاندى ۇزاق جىل بيلەگەن ءجالاڭتوس سەيىتقۇل ۇلى وسى توپىراقتا دۇنيەگە كەلگەن ەكەن. ورتالىق ازياداعى قاھارمان قولباسشىلاردىڭ ءبىرى سانالعان باتىر اتىنداعى اۋىل قازىر ءتۇتىنى ءتۇزۋ ۇشقان ەلدى مەكەننىڭ بىرىنە اينالىپ وتىر.

قاراشەڭگەل اۋىلدىق وكرۋگىنىڭ ورتالىعى سانالاتىن اۋىل – كەزىندە قيىر شىعىستان جەر اۋىپ كەلگەن كورەيلەردى پانالاتقان ەلدى مەكەن. «قىزىلتۋ» ۇجىمشارىنا جيىرما شاقتى ءۇي بولىپ قونىس تەۋىپ، قوڭسى بول­عان ولاردىڭ اراسىنان كۇرىش وندى­رىسىندەگى وزىق تاجىريبەسىمەن تا­­نىلعان پەتر پاك سوتسياليستىك ەڭبەك ەرى اتاندى. سوعىس جىلدارىندا ۇجىمشاردى باسقارعان قاشاقباي ءپى­رىموۆ تانك جاساۋ ءۇشىن 100 مىڭ سوم اۋدارعان قايراتكەر ازامات. توراعانىڭ باستاماسى باسقالارعا ۇلگى بولىپ، تىلداعى قازالىلىق ەڭبەك­كەر­لەر جەڭىستى جاقىنداتۋعا ۇلەس قوسقان.

قازىر اۋىلدا 1 جشس، 13 شارۋا قوجالىعى بار. بارلىعى دەرلىك كۇ­رىش شارۋاشىلىعىمەن اينالىسادى. وسى كۇنى كوپ اۋىلدا الەۋمەتتىك نىسانداردىڭ جەتىسپەيتىنى بايقا­لا­دى. ال ء«جالاڭتوس باتىر» بۇل جا­عىنان باسقالارعا ۇلگى بولارداي. اۋىل­دا 250 ورىندىق جاڭا تيپتەگى مەك­تەپ، بالالار شاعىن ورتالىعى مەن بالاباقشا، دارىگەرلىك امبۋلاتوريا، كىتاپحانا، اۋىلدىق كلۋب بار. ءبارى­نىڭ دە عيماراتى سوڭعى جىلدارى بوي كوتەرگەن.

2016 جىلى باتىر بابانىڭ تۋعا­نىنا 440 جىل تولۋىنا بايلانىستى ورتا­لىق الاڭ سالىندى. بالالار مەن جاستار ءۇشىن سپورتتىق الاڭ دا ۇمىت قالمادى. قازىر اۋىلداعى شارانىڭ ءبارى وسى الاڭدا وتەدى. تۇرعىنداردىڭ وزدەرى تۇراتىن كوشەلەرمەن قاتار وسى اۋماقتى كوركەيتۋ، كوگالداندىرۋعا ۇلەسى مول. وتكەن جىل سوڭىندا وبلىستا «ۇلگىلى اۋىل» بايقاۋى وتكەن بولاتىن. تۇرعىنداردى قورشاعان ورتانى قورعاۋ مەن ەلدى مەكەن دامۋىنا جۇمىلدىرۋدى ماقسات ەتكەن وسى بايقاۋدا اۋىل ارنايى نوميناتسيا الىپ، 2 ملن تەڭگە يەلەندى.

– جۋىردا پارلامەنت سەناتىندا «اگروونەركاسىپتىك كەشەندى دامىتۋ ماسەلەلەرى» تاقىرىبىنا ارنالعان پارلامەنتتىك تىڭداۋدىڭ وتكەنى وڭ باستاما بولدى، – دەيدى قاراشەڭگەل اۋىلدىق وكرۋگىنىڭ اكىمى ورىسبەك جامشەيىتوۆ. – بۇل ۇلتتىڭ بەسىگى سانالاتىن اۋىلدىڭ ەرتەڭىنە قاتىستى ماڭىزدى شەشىمدەردى قابىلداردا سول ەلدەگىلەردىڭ دە پىكىرى ەسكەرىلەتىنىن كورسەتتى. شۇكىر، كوپ اۋىلدان كوش ىلگەرىمىز. بىراق العا قويعان جوسپارىمىز دا كوپ. سونى جۇزەگە اسىرۋدا وسى باستامانىڭ بەرەرى كوپ بولادى دەگەن ويدامىن.

سپورت جاعىنان دا ء«جالاڭتوس باتىر» تۇرعىندارى كوپ ەلدى مەكەننىڭ الدىندا كەلەدى. بوكس، ۆولەيبول، باس­­كەتبول، فۋتبول، جەڭىل اتلەتيكا جارىستارىنان اۋىل جاستارى جۇلدەلى ورالىپ ءجۇر.

 

قىزىلوردا

 

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار