ەلباسى • 08 ءساۋىر، 2020

قازاقستان دەرتتىڭ الدىن الۋعا ەڭ العاشقىلاردىڭ ءبىرى بولىپ كىرىستى – ەلباسى

69 رەتكورسەتىلدى

قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ «Egemen Qazaqstan» گازەتىنىڭ بۇگىنگى سانىندا جاريالانعان ماقالاسىندا ەلىمىزدىڭ ىندەتپەن كۇرەسكە ەڭ العاشقىلاردىڭ ءبىرى بولىپ كىرىسكەنىن اتاپ ءوتتى.

«تۇتقيىلدان كەلگەن جامان ىندەت – كوروناۆيرۋس دەرتى بارشا ادامزاتقا قاۋىپ-قاتەر توندىرۋدە. قازىردىڭ وزىندە دۇنيە ءجۇزى بويىنشا 1،4 ميلليوننان استام جان وسى سىرقاتقا شالدىعىپ، ونداعان مىڭ ادامنىڭ ءومىرى قيىلدى. سوندىقتان الەم مەملەكەتتەرى قاتەرلى دەرتكە بىرلەسە داۋا ىزدەپ، بۇگىنگى زاماننىڭ بار كۇش-قۋاتىن، اقىل-ويى مەن عىلىم-ءبىلىمىنىڭ جەتىستىگىن ورتاق ماقسات جولىنا بىرلەسە جۇمىلدىرىپ، ىنتىماقتاسا ارەكەت ەتۋدە.

قازاقستان قاۋىپتى دەرتتىڭ الدىن الۋعا الەم ەلدەرىنىڭ ەڭ العاشقىلارىنىڭ ءبىرى بولىپ كىرىستى. ءتيىستى ساقتاندىرۋ شارالارى جاسالدى. مەملەكەتتىك ورگاندار ارناۋلى دايىندىقتان وتكىزىلدى. وزگە ەلدەردە ۆيرۋس قالاي پايدا بولىپ، پاندەميا قالاي ءوربىپ، ورشىگەنى باقىلاندى. سونىڭ ناتيجەسىندە ىندەتتىڭ ەتەك الىپ كەتۋىنە مۇمكىندىگىنشە جول بەرىلمەي، احۋال كۇن سايىن تۇراقتى نازاردا ۇستالىپ وتىر. جاعدايدى وڭالتۋ ءۇشىن كوپ جۇمىس ىستەلدى، ءالى دە تالاي شارۋا اتقارىلاتىن بولادى.  يگى ماقساتتاعى ءىس-شارالاردىڭ بارىنە جەر-جەرلەردە بۇكىل حالىق بولىپ قولداۋ كورسەتكەنىمىز ءجون» دەلىنگەن ەلباسىنىڭ ماقالاسىندا.

سوڭعى جاڭالىقتار

ۇقساس جاڭالىقتار