ايماقتار • 07 ءساۋىر، 2020

قىزىلوردا: توتەنشە جاعداي كەزىندە توي جاساۋ توقتاماي تۇر

930 رەتكورسەتىلدى

قىزىلوردا وبلىسىندا ىندەتتىڭ تارالۋىن بولدىرماۋ ماقساتىندا بۇگىن   ءوڭىردىڭ باس سانيتارلىق دارىگەرىنىڭ №7 قاۋلىسى قابىلداندى. وسىعان سايكەس بەكىتىلگەن بىرقاتار شەكتەۋلەر مەن قاۋىپسىزدىك شارالارى جايلى وبلىس پروكۋرورىنىڭ ءبىرىنشى ورىنباسارى تالعات الىباەۆ ونلاين بريفينگتە ايتىپ ءوتتى.

قاۋلىعا سايكەس ازاماتتارعا دارىلىك زاتتار، ازىق-ت ۇلىك الۋ ءۇشىن عانا ۇيىنەن شىعۋعا رۇقسات ەتىلەدى. مەديتسينالىق كومەك الاتىندار مەن جۇمىسقا باراتىندار ارنايى انىقتاما نەمەسە كۋالىكتەرىن كورسەتۋى قاجەت.

سونىمەن قاتار 55 جاستان اسقان ازاماتتارعا كوشەگە شىعۋعا تىيىم سالىنىپ وتىر.

وسىعان دەيىنگى شەكتەۋلەرگە قاراماستان 17 ءۇي يەسى ءوز اۋلاسىندا توي جاساپ، 48 ءدامحانا قىزمەتتەرىن جالعاستىرعان. موبيلدىك توپ جۇرگىزگەن رەيدتىك شارا ناتيجەسىندە توتەنشە جاعداي ۋاقىتىندا بەلگىلەنگەن تالاپتاردى بۇزعان 90 فاكتى انىقتالدى، – دەدى وبلىس پروكۋرورىنىڭ ءبىرىنشى ورىنباسارى.

جالپى، وسىعان دەيىن توتەنشە جاعداي رەجيمىن بۇزعانى ءۇشىن 179 تۇلعاعا قاتىستى اكىمشىلىك حاتتاما تولتىرىلىپ، ونىڭ 116-ءى قارالىپ، 54 ايىپپۇل سالىندى. الپىس ەكى ادامعا اكىمشىلىك قاماققا الۋ جازاسى قولدانىلعان.  

شيەلى كەنتىندە بىرنەشە كومپيۋتەرلىك كلۋب جۇمىستارىن جالعاستىرعانى ءۇشىن يەلەرى 10 تاۋلىككە قاماۋعا الىنعان. بلوك بەكەتتەردى اينالىپ وتپەك بولعان 11 ادامعا اكىمشىلىك حاتتاما تولتىرىلىپ، سوتقا جولداندى.

تالعات ايتباي ۇلى توتەنشە جاعداي رەجيمدi بۇزىپ، تالاپتاردى ورىنداماۋمەن قاتار جالعان اقپارات تاراتقاندارعا دا قاتاڭ شارالار قولدانىلاتىنىن ايتىپ ءوتتى.   

سوڭعى جاڭالىقتار

ۇقساس جاڭالىقتار