قوعام • 07 ءساۋىر، 2020

ءبىز بىرگەمىز: قحا 66 025 ادامعا كومەك كورسەتتى

75 رەتكورسەتىلدى

توتەنشە جاعداي كەزىندە قازاقستان حالقى اسسامبلەياسى بارلىق وڭىردە قايىرىمدىلىق اكتسيالارىن ۇيىمداستىرىپ، 66 025 ادامعا 83 385 650 تەڭگە كولەمىندە كومەك كورسەتتى.

بارلىق كومەك تۇرمىسى تومەن وتباسىلارعا، كوپ بالالى انالارعا، مۇگەدەك جاندارعا، جالعىزىلىكتى كىسىلەرگە، ارداگەرلەرگە، ىندەتپەن كۇرەستە دامالسىز جۇمىس ىستەپ جۇرگەن مەديتسينا، پوليتسيا قىزمەتكەرلەرىنە، زارارسىزدانۋ جۇمىسىنا تارتىلعان اسكەريلەرگە كورسەتىلدى.

الەۋمەتتىك پاكەتتەر ءوڭىر ەرەكشەلىكتەرىنە قاراي ازىق-ت ۇلىك سەبەتىنەن، ماسكا مەن انتيسەپتيكتەردەن، ءدارى-دارمەكتەن، تۇرمىستىق حيميا زاتتارىنان، بالالارعا قاجەتتى زاتتاردان قۇرالدى.

الماتى وبلىسىندا انالار كەڭەسى قولدان ماسكا تىگىپ، العاشقى ونكۇندىكتە 10 417 ماسكا تەگىن تاراتىلدى.

اقتوبە وبلىسىندا 600 ادامعا 200-دەن اسا الەۋمەتتىك پاكەت قاراستىرىلىپ، 400 ماسكا ۇلەستىرىلدى.

اقمولا وبلىسىندا 2 000 ادام 3 240 000 تەڭگە كولەمىندە گۋمانيتارلىق كومەككە يە بولدى. بۇعان نەمىستەردىڭ «ۆيدەرگەبۋرت» قوعامدىق بىرلەستىگى ۇلكەن ۇلەس قوستى.

اتىراۋ وبلىسىندا 377 ادام 1 430 000 تەڭگە كولەمىندە كومەك الدى.

باتىس قازاقستان وبلىسىندا 15 000 ادام 1 772 200 تەڭگەنىڭ كومەگىنە قول جەتكىزدى.

جامبىل وبلىسىندا 18 ەتنومادەني بىرلەستىك 3667 ادامعا 1 546 970 تەڭگە كولەمىندە كومەك كورسەتتى.

قوستاناي وبلىسىندا كورەي ەتنومادەني بىرلەستىگى، پولياكتاردىڭ «Nadzieja» ەتنومادەني بىرلەستىگى، ارميانداردىڭ «ەرەبۋني» ەتنومادەني بىرلەستىگى، قىرعىزداردىڭ «اسابا» قاۋىمداستىعى، شەشەن-ينگۋشتاردىڭ «ۆايناح» ەتنومادەني بىرلەستىگى، ازەربايجانداردىڭ «بيرليك» قاۋىمداستىعى جانە « ۇلى دالا ۇرپاقتارى قوستاناي» قوعامدىق بىرلەستىگى، وبلىستىق ۆولونتەرلىك قوزعالىس ورتالىعى جۇمىلا اتسالىسىپ، 233 ادامعا 20 200 000 تەڭگەگە گۋمانيتارلىق كومەك كورسەتتى.

قىزىلوردا وبلىسىندا «قوعامدىق كەلىسىم» كمم رۋحاني باعىتتاعى جۇمىستارعا باسىمدىق بەردى. #BizBirgemiz حەشتەگىمەن اقىن-جازۋشىلاردىڭ شىعارماشىلىعىنان ۇزىندىلەر وقۋ بويىنشا اكتسيا وتكىزىلدى. الەۋمەتتىك جەلىدە ۇلتتىق تاعامدار ءپىسىرۋ بويىنشا شارا ۇيىمداستىرىلىپ، تۇرمىسى تومەن وتباسىلارعا كوڭىل ءبولىندى.

ماڭعىستاۋ وبلىسىندا انالار كەڭەسى ماسكا تىگىپ، №6656 اسكەري ءبولىمىنىڭ ساربازدارىنا تاراتىپ بەردى. ونىڭ سىرتىندا 440 ادامعا 2 000 000 تەڭگەگە كومەك كورسەتىلدى.

پاۆلودار وبلىسىندا اپتاسىنا ەكى-ءۇش رەت 4532 ادامعا ىستىق تاماق بەرىلىپ جاتىر.

تۇركىستان وبلىسىندا ەتنومادەني بىرلەستىكتەردىڭ قاتىسۋىمەن 2510 ادامعا 32 471 850 تەڭگەنىڭ گۋمانيتارلىق كومەگى كورسەتىلدى.

شىعىس قازاقستان وبلىسىندا 7 037 ادام 8 037 630 تەڭگە كولەمىندە كومەككە قول جەتكىزدى.

الماتى قالاسىندا قايىرىمدىلىق اكتسياسىنا «مەتالل پروم گرۋپپ» جشس قاتىسىپ، 5160 ادامعا 1 600 000 تەڭگە كولەمىندە گۋمانيتارلىق كومەك جاساۋعا ۇلەس قوستى.

شىمكەنت قالاسىندا 11 370 ادامعا 3 284 000 تەڭگەگە گۋمانيتارلىق كومەك كورسەتىلدى. ونىڭ سىرتىندا 190 كگ پالاۋ ءپىسىرىلىپ، مۇقتاج جاندارعا تاراتىلدى.

نۇر-سۇلتان قالاسىندا العاشقى ونكۇندىكتە 1190 ادامعا 4 898 000 تەڭگە سوماسىندا گۋمانيتارلىق كومەك جاسالدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار