ايماقتار • 07 ءساۋىر، 2020

الماتى: جولاۋشىلار اعىنى مەن كولىك سانى ازايدى

16 رەتكورسەتىلدى

تاڭنان كەشكە دەيىن ازان-قازان تىرشىلىگى توقتامايتىن الماتى كوشەلەرى بۇگىندە مۇلدە باسقاشا كەيىپكە ەنگەن. الىپ داڭعىلدار بولماسا شاھار ىشىندەگى شاعىن كوشەلەر تىپتەن تىم-تىرىس. جولاۋشىلار اعىنى 70-75 پايىزعا ازايسا، كولىك قوزعالىسى بەس ەسەگە دەيىن تومەندەپتى.

الماتى قالالىق پد ءباسپاسوز قىزمەتى حابارلاعانداي، بۇگىن ساعات 08.00-دەن 09.00-گە دەيىن بەينەباقىلاۋ جۇيەسى 4 836  اۆتوكولىكتى عانا تىركەگەن. ماماندار 11 ناۋرىز كۇنى ءدال وسى ۋاقىت ارالىعىندا كولىك سانى 19 546 بولعانىن ايتادى.

–«جول قوزعالىسىنىڭ قاۋىپسىزدىگىن قامتاماسىز ەتۋدىڭ اۆتوماتتاندىرىلعان اقپاراتتىق جۇيەسى» اپپاراتتىق-باعدارلامالىق كەشەنى كورسەتكىشىن تالداۋ، قالانىڭ نەگىزگى كوشەلەرىندە كولىك قوزعالىسى ەداۋىر تومەندەگەنىن كورسەتەدى. قالادا 35 باقىلاۋ-وتكىزۋ بەكەتىنىڭ ۇيىمداستىرىلعانىن بىلەسىزدەر. ءبىر تاۋلىكتە 18 798 كولىكتىڭ قالا ىشىندە ءجۇرۋ قۇقىعىنىڭ بار-جوعى تەكسەرىلدى. قالاداعى اۋداندىق پوليتسيا باسقارماسىنا سەبەپسىز جۇرگەنى ءۇشىن 128 جۇرگىزۋشى جەتكىزىلدى، 30 اۆتوكولىك ايىپپۇل تۇراعىنا قويىلدى»، – دەيدى الماتى قالالىق پد اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار