ۇكىمەت • 07 ءساۋىر، 2020

ءىىم قىزمەتكەرلەرگە ارنالعان قورعانىس قۇرالدارىن تانىستىردى

52 رەتكورسەتىلدى

ىشكى ىستەر مينيسترلىگى توتەنشە جاعداي كەزىندە جۇمىس ىستەپ جۇرگەن قىزمەتكەرلەرى ءۇشىن ارنايى دايىندالعان قورعانىس قۇرالدارىن تانىستىردى.

ىشكى ىستەر ءمينيسترىنىڭ تاپسىرماسى بويىنشا قىلمىستىق-اتقارۋ مەكەمەلەرىنىڭ بارلىق تىگىن تسەحىندا قىزمەتكەرلەرگە ارنالعان قورعانىس قۇرالدارىن دايىنداۋ قولعا الىندى. ءبىرىنشى كەزەڭدە مەديتسينالىق ماسكالاردى تىگۋ ءوندىرىسى جولعا قويىلىپ، 1 ميلليونعا جۋىق بەتپەردە دايىندالدى. بۇل جەكە قۇرامنىڭ قورعانىس قۇرالدارىنا دەگەن قاجەتتىلىكتەرىن تولىعىمەن جابۋعا مۇمكىندىك بەردى.

سونىمەن قاتار پوليتسيا قىزمەتكەرلەرىنە ارنالعان ارنايى كوستيۋمدەر ءوندىرىسى باستالدى. بىرنەشە رەت قولدانۋعا جارايتىن قورعانىش كومبينەزونى سۋ وتكىزبەيتىن قوسپاسى بار ماتادان جاسالعان. بۇيىمداردىڭ بۇل جاڭا ءتۇرى – ينفەكتسيا جۇقتىرۋدان قورعانۋدىڭ قوسىمشا قۇرالى.

160 قورعانىس كومبينەزونىنان تۇراتىن ءبىرىنشى پارتيانى بلوك-بەكەتتە قىزمەت اتقاراتىن ەلوردالىق پوليتسەيلەر الدى.

جاقىن ارادا قورعانىس كومبينەزوندارىمەن ءىىم-ءنىڭ بارلىق ايماقتىق بولىمشەلەرى قامتاماسىز ەتىلەدى. ەڭ الدىمەن كارانتيندىك ءىس-شارالارعا تارتىلعان قىزمەتكەرلەر الادى.

– كۇن سايىن 25 مىڭعا جۋىق پوليتسەي، قۇتقارۋشىلار جانە ۇلتتىق ۇلاننىڭ اسكەري قىزمەتشىلەرى جاساقپەن كۇزەتكە شىعادى. وسى قيىن جاعدايلاردا پەنيتەنتسيارلىق جۇيە ءوزىنىڭ تيىمدىلىگىن كورسەتتى. مەنىڭ تاپسىرمام بويىنشا قىلمىستىق-اتقارۋ جۇيەسى كوميتەتىنىڭ «ەڭبەك» رمك ازىرلەگەن قۇرالدار توتەنشە جاعداي كەزىندە ءوز قىزمەتتىك بورىشىن تاۋلىك بويى ورىندايتىن قىزمەتكەرلەرىمىزدىڭ دەنساۋلىعىن قورعاۋدى قامتاماسىز ەتۋگە مۇمكىندىك بەرەدى، – دەدى ىشكى ىستەر ءمينيسترى ەرلان تۇرعىمباەۆ. 

بۇعان قوسا، قاجك باسشىلىعى «دەزينفەكتسيالىق توننەل» دەپ اتالاتىن قورعانىس قۇرالىن تانىستىردى. ءبىرىنشى ەكسپەريمەنتتىك ۇلگى ىشكى ىستەر مينيسترلىگىنىڭ عيماراتىنا كىرە بەرىستە ورناتىلعان. توننەل قۇرىلىمى قاراپايىم، دەزينفەكتسيالىق قاسيەتى بار ارنايى فيزەرتىندىنى بۇركۋ قۇرالىمەن جابدىقتالعان. مۇنداي پۋنكتتەر قاج مەكەمەلەرىندە كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا بارلىق كولونيالاردا ورناتىلادى.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار