ايماقتار • 07 ءساۋىر، 2020

قىزىلوردا: تالاپ ساقتاساڭ، دەرت دەندەمەيدى

45 رەتكورسەتىلدى

بۇگىن سىر بويىندا Covid-19 ىندەتىن جۇقتىرعانداردىڭ سانى  54-كە جەتتى. ولارمەن جاقىن قارىم-قاتىناستاعىلار 326 ادام بولسا، پوتەنتسيالدى بايلانىستاعىلار 518. ولاردىڭ  بارلىعى باقىلاۋعا الىنىپ، وقشاۋلانعان.

 بۇگىن وڭىرلىك كوممۋنيكاتسيا قىزمەتىندە بريفينگ وتكىزگەن وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ ۆيرۋس جۇقتىرعانداردىڭ كۇرت كوبەيۋىنە تۇرعىنداردىڭ كارانتين ءتارتىبىن ساقتاماۋى سەبەپ بولىپ وتىرعانىن اتاپ ءوتتى.

ەسكەرتۋلەردى ەلەمەگەندەر وتباسىلىق باسقوسۋلاردى توقتاتپاي، كەرىسىنشە ۇدەتە تۇسكەن. وقشاۋلانۋ تارتىبىنە مۇلدەم قۇلاق اسپايتىندار بار. مىسالى، وڭىردە بويىنان ەڭ العاش كوروناۆيرۋستىق ينفەكتسيا انىقتالعان ادام اۋلەتىندەگى 21 جانعا قاۋىپتى ىندەتتى جۇقتىرىپ ۇلگەرگەن. شيەلى اۋدانىنداعى 6 ناۋقاستىڭ دا ءبىر ءۇيدىڭ ادامدارى ەكەندىگى انىقتالىپ وتىر. كەشە وسى اۋداننان تىركەلگەن 13 دەرەك تە وسىنداي سالعىرتتىقتىڭ سالدارى.

وبلىسىمىزدا كوروناۆيرۋستىق ينفەكتسيانى جۇقتىرعانداردىڭ سانى كۇن سايىن ءوسۋى تۇرعىنداردىڭ كارانتين تالاپتارىن ساقتاماۋىنان بولىپ وتىر.  ماسەلەن، كەشە كەشكە شيەلى اۋدانىن انىقتالعان 13 ناۋقاستىڭ ءبارى وتباسىلىق كەشكە قاتىسقان. قاۋىپتى ىندەتتى سول جەردە  جۇقتىرعان. قازىر وسى اۋدانداعى ءبىر اۋىل كارانتينگە جابىلدى، – دەدى باسقارما باسشىسى.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار