ادامنىڭ اقىل-پاراساتى, الداعىنى كورىپ, الىستى بولجايتىن العىر ويلى كەمەڭگەرلىگى سىن ساعاتتاردا سىنالادى. تۋىسى بولەك بەكزات تۇلعالار وقىس وقيعا, قيىن جاعدايلاردا اسىپ-ساسپاي, اسقان اقىلدىلىقپەن شۇعىل ءارى دۇرىس شەشىم قابىلداپ, جەدەل ارەكەت جاسايدى. ايتىپ كەلمەگەن الاپات اپات – كوروناۆيرۋس الەمدىك پاندەمياسى تىم تەز تاراپ, دۇنيە ءجۇزىن ابىگەرگە سالىپ, الپاۋىت دەرجاۆالاردىڭ باسشىلارى دا ابىرجىپ قالعان قىسىلتاياڭدا قازاقستان پرەزيدەنتى قاسىم-جومارت كەمەل ۇلى توقاەۆ ءوزىنىڭ تۋمىسى بولەك بەكزات تۇلعالىعىن تانىتىپ, ءبىراز مەملەكەتتەردەن بۇرىن جەدەل ءارى وتە دۇرىس شەشىم قابىلداپ, ەلىمىزدە توتەنشە جاعداي جاريالادى. بۇل اسا قاۋىپتى دەرتتىڭ الدىن الۋعا, ونىڭ كەڭ تاراماۋىنا سەنىمدى توسقاۋىل بولارى انىق.
ءوزىم تۇرىپ جاتقان الماتىنىڭ كىرەبەرىسىنە 27 بلوك-بەكەتتىڭ قويىلۋى, ازىق-ت ۇلىك ونىمدەرى مەن دارىلىك زاتتاردى ساتاتىن ورىنداردان باسقا ءىرى ساۋدا, ويىن-ساۋىق ورتالىقتارى مەن ساۋدا ۇيلەرى جۇمىسىنىڭ توقتاتىلۋى, تاعى باسقا دا شارالار حالىقتى اسا قاتەرلى, وتە جۇقپالى دەرتتەن ساقتاۋ ءۇشىن قابىلدانعان بىردەن-ءبىر دۇرىس شەشىم.
جاراتقان يەمنىڭ مەيىرىمى ءتۇسىپ ەرەكشە جاراتىلعان اقىل-پاراسات يەلەرى نەبىر قيىن كەزدە دە قيىندىقتان قيۋىن تاۋىپ, قاتتى شيەلەنگەن تۇيىندەردى دە تارقاتا الادى. سونىڭ مىقتى ءبىر مىسالى قازاقستان پرەزيدەنتىنىڭ ءبىراز مەملەكەتتەردەن بۇرىن قيمىلداپ, ەرتەرەك ەلىمىزدە توتەنشە جاعداي جاريالاپ, وقيعانىڭ الدىن الىپ, ۋاقىتتان وزعاندىعىنان كورىنىس تاپتى.
قاسىم-جومارت كەمەل ۇلى ايتقانداي: «ەڭ باستىسى شىدامدىلىق, توزىمدىلىك تانىتايىق».
سولومون ايتقانداي: «بۇل دا وتەدى».
امان بولايىق.
ءسابيت دوسانوۆ,
مەملەكەتتىك سىيلىقتىڭ لاۋرەاتى
