ينفەكتسيانىڭ تارالۋ قارقىنى تومەندەدى

بايانداما بارىسىندا باس سانيتار كارانتيندىك شارالاردى ساق­تاۋدىڭ ماڭىزىنا توقتالىپ, ىندەت جاعدايى الەمدە ءالى دە تۇراق­سىز بولىپ وتىرعانىن العا تارتتى.

«قازاقستاندا كورو­نا­ۆي­رۋستىق ينفەكتسيانى جۇقتىرۋدىڭ 604 جاعدايى تىركەلگەن. ونىڭ ىشىندە رەسپۋبليكالىق ماڭىزى بار قالالاردا: نۇر-سۇلتان – 219, الماتى قالاسىندا – 116, شىمكەنت قالاسىندا – 14 جاعداي. وڭىرلەردە: قاراعاندى وبلىسى – 48, قىزىلوردا وبلىسى – 37, اتىراۋ وبلىسى – 29, تۇركىستان وبلىسى – 28, جامبىل وبلىسى – 29, سولتۇستىك قازاقستان وبلىسى – 25, اقمولا وبلىسى – 23, اقتوبە وبلىسى – 11, الماتى وبلىسى – 10, شىعىس قازاقستان وبلىسى – 6, ماڭعىستاۋ وبلىسى – 5, باتىس قازاقستان وبلىسى – 2, پاۆلودار وبلىسى – 1, قوستاناي وبلىسى – 1. سولاردىڭ ىشىندە 122 ناۋقاس سىرتتان كەلگەن, 351-دەن استام جۇقتىرۋ جاعدايى ادامدارمەن قارىم-قاتىناس كەزىندە ورىن العان. بۇگىندە 45 ناۋقاس شىعارىلدى. ولاردىڭ 24-ءى نۇر-سۇلتان قالاسىنان, 21-ءى الماتى قالاسىنان. قازىرگى ۋاقىتتا كوروناۆيرۋستان 6 ادام قايتىس بولدى. اقمولا وبلىسىندا 2 ادام, نۇر-سۇلتان, شىمكەنت قالالارىندا, قاراعاندى جانە تۇركىستان وبلىس­تارىندا 1 جاع­دايدان تىركەلدى. جالپى العاندا بارلىعى 17 مىڭ­نان استام ءبىر-بىرىمەن بايلانىستا بولعان تۇلعالار تىركەلگەن, 10 مىڭنان استام ازامات ءۇي كاران­تينىندە. بۇگىنگى تاڭدا جۇقتى­رۋدىڭ 85%-ى جەڭىل جانە سيمپ­تومسىز اعىمعا يە, 11,5%-ى «اۋىر­لىعى ورتاشا» دەپ با­عا­لاندى, 16 پاتسيەنتتىڭ جاعدايى «اۋىر» دەپ باعالاندى», دەدى ول.

باس سانيتارلىق دارىگەر ەن­گىزىلگەن باقىلاۋ-شەكتەۋ شارالارى ينفەكتسيانىڭ تارالۋ قارقىنىن تومەندەتەتىنىن ەرەكشە اتاپ ءوتتى.

«بۇگىنگى تاڭدا ەنگىزىلگەن شەكتەۋ شارالارى ينفەكتسيانىڭ تارالۋىن ازايتتى. 27 ناۋرىزدان باستاپ نۇر-سۇلتان قالاسىنداعى ىندەتتى جۇقتىرۋدىڭ دەرەگى 5 ساۋىردە 60 جاعدايدان 0 جاعدايعا دەيىن, الماتىدا كۇن سايىنعى ءوسىم 15-تەن 6 جاعدايعا دەيىن تومەندەدى», دەدى باس سانيتار.

سونىمەن قاتار ايجان ەسما­عامبەتوۆا قىزىلوردا, قارا­عاندى, تۇركىستان, اتىراۋ وبلىستارىندا سىرقاتتانۋدىڭ جو­عارى ءوسىمى تىركەلگەندىكتەن, اتالعان وڭىرلەردە قوسىمشا شەكتەۋ شارالارىن ەنگىزۋ قاجەتتىگىن اتاپ ءوتتى.