مۇنىڭ ىشىندە قىلمىس قانا ەمەس, جول ەرەجەسىن بۇزۋ, كوشە ەرەجەسىن ەلەمەۋ, جولدى بەلگىلەنبەگەن جەردەن كەسىپ ءوتۋ دە كوپ. وسىنىڭ ءوزى قالا تۇرعىندارى اراسىندا كوشە مادەنيەتىنىڭ تومەن ەكەندىگىنىڭ بەلگىسى. بۇل مەكتەپ جانە باسقا دا وقۋ ورىندارىندا بالالار مەن جاسوسپىرىمدەردىڭ بويىنا كوشە مادەنيەتىن ءسىڭىرۋ قاجەتتىگىن كورسەتەدى. وكىنىشكە قاراي ەرەسەكتەر اراسىندا دا قالا مادەنيەتىنىڭ تومەندىگى بايقالىپ قالادى.
ءبىر جىلدارى نۇر-سۇلتان قالاسىندا ارناۋلى جەر ەمەس, كوشەنىڭ كەز كەلگەن جەرىندە تەمەكى بۇرقىراتقانى ءۇشىن ايىپپۇل سالىناتىن. سونىڭ ارقاسىندا كوشەدە تەمەكى قالدىعى مۇلدە ازايعاندىعى ايتىلىپ ەدى. وسى ءتارتىپتى بارلىق وبلىس ورتالىعى دا قولعا العانى ءجون.
جوعارىدا پەتروپاۆل قالاسىنداعى ءبىز ايتقان پاترۋلدىك پوليتسيا انىقتاعان 4400 قۇقىق بۇزۋشىلىقتىڭ ىشىندەگى 49-ى – قىلمىس. ولار ءتيىستى پوليتسيانىڭ ءتيىستى بولىنىستەرىنە بەرىلىپ, قازىر سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. جالپى, پەتروپاۆلدا تاۋلىك بويى 90-نان اسا پاترۋلدىك پوليتسيا كەزەكشىلىككە تارتىلادى. ولار 10 اۆتوپاترۋلدىك كولىكپەن, 6 «مودۋل» بەكەتى, قالعاندارى جاياۋ جاساق تۇرىندە پاترۋلدىك قىزمەت اتقارادى. بىراق قالا ءتارتىبىن وسى قىزمەتتىڭ باقىلاۋىنا عانا بەرىپ قويۋعا بولمايدى. جەرگىلىكتى بيلىك تاراپىنان قالالىقتاردىڭ مادەنيەتىن ارتتىرۋ شارالارى قولعا الىنباسا, كۇنىنە 200 پاترۋل شىعارساڭ دا قۇقىق بۇزۋشىلىقتى توقتاتا المايسىڭ.
پاترۋلدىك پوليتسيا باتالونى كومانديرىنىڭ ورىنباسارى, پوليتسيا پودپولكوۆنيگى بولات جۇماعازين اشىلعان قىلمىستاردىڭ باسىم بولىگىن ۇرلىق قۇرايتىنىن ايتتى. ساياجايلار مەن كولىكتەردى توناۋ, بۇزاقىلىق فاكتىلەرى بويىنشا قىلمىسكەرلەردى پاترۋلدىك پوليتسەيلەر ء«ىزىن سۋىتپاي» ۇستايدى ەكەن. جول قاۋىپسىزدىگى جەلىسى بويىنشا قۇقىق بۇزۋشىلىقتار كوپ جاعدايدا جاياۋ جۇرگىنشىلەر تاراپىنان جاسالادى, سونداي-اق جۇرگىزۋشىلەردىڭ قاۋىپسىزدىك بەلدىگىن تاقپاۋى مەن جولدا تەلەفونمەن سويلەسۋى سياقتى بۇزۋشىلىقتار دا ءجيى ورىن الادى. سونداي-اق قوعامدىق ءتارتىپ بۇزۋشىلىقتارى اراسىندا ماساڭ كۇيدە جۇرگەن, اباتتاندىرۋ ەرەجەلەرىن بۇزعان جانە ۇساق بۇزاقىلىق جاساعاندارعا قاتىستى حاتتامالار ءجيى تولتىرىلادى.
دەمالىس جانە مەرەكە كۇندەرى پاترۋلدىك پوليتسەيلەر ۋچاسكەلىك پوليتسيا ينسپەكتورلارىمەن جانە پوليتسيا كەشەندى كۇشتەرىنىڭ باسقا دا جاساقتارىمەن بىرگە قىزمەتتى كۇشەيتىلگەن رەجىمدە وتكەرگەن. سونىڭ ارقاسىندا وتكەن مەرەكە كۇندەرى قالا تۇرعىندارى مەن قوناقتارىنىڭ تىنىشتىعى, قاۋىپسىزدىگى قامتاماسىز ەتىلگەن.
ايتا كەتەتىن جايت, وبلىستىق پوليتسيا دەپارتامەنتى شتابىنىڭ اقپاراتىنا قاراعاندا مەرەكە كۇندەرى (7-9 ناۋرىز كۇندەرى) پەتروپاۆل قالالىق جەدەل باسقارۋ ورتالىعىنىڭ
102 نومىرىنە 1369 حابارلاما كەلىپ تۇسكەن. سونىڭ ىشىندە 34 – قىلمىستىق, 95 – اكىمشىلىك قۇقىق بۇزۋشىلىق, 166 – ءتۇرلى وقيعا, سونداي-اق انىقتاما سيپاتىنداعى 1000 قوڭىراۋ كەلىپ ءتۇستى. قالالىق جەدەل باسقارۋ ورتالىعىنىڭ بەينەباقىلاۋ كامەرالارىنىڭ كومەگىمەن قىلمىستىڭ اشىلۋىنا ىقپال ەتكەن 4 فاكتى انىقتالىپ, 129 اكىمشىلىك قۇقىق بۇزۋشىلىق تىركەلگەن.
سولتۇستىك قازاقستان وبلىسى
