جاڭا ءاننىڭ ءماتىنىن قۋات ەجەمبەك, مۋزىكاسىن مادەنيەت قايراتكەرى, «قورقىت» ەتنو ءانسامبلىنىڭ كوركەمدىك جەتەكشىسى شولپان قورعانبەك جازعان. قۋات ەجەمبەك بۇل تۋىندىسىمەن ناۋقاستار پالاتاسىندا ۇيقىسىز تۇندەر وتكىزىپ, باستارىن قاتەرگە تىگىپ جۇرگەن جاندارعا ريزاشىلىعى مەن العىسىن بىلدىرگەن ەكەن. ءاننىڭ اۆتورى شولپان قورعانبەك تە اتالمىش وقيعادان قاتتى اسەر الىپ, ەموتسيونالدىق ىقىلاسى مەن سەزىمىن مۋزىكامەن جەتكىزۋگە تىرىسقانىن ايتتى. اندە دارىگەرلەردىڭ باتىلدىعى مەن ەرلىكتەرى ءھام قازاقستاندىقتاردىڭ بۇل سىناقتان دا ءوتىپ, وزدەرىنە قۇندى ساباق بەرەتىنى تۋرالى باياندالادى.
«دارىگەرلەر» ءانىن جازۋعا قازاقستاننىڭ جانە تاتارستاننىڭ حالىق ءارتىسى, قر مەملەكەتتىك سىيلىعىنىڭ لاۋرەاتى نۇرجامال ۇسەنباەۆا, قر ەڭبەك سىڭىرگەن قايراتكەرلەرى التىناي جوراباەۆا, ەستاي مۇقاشەۆ, بيبىگۇل جانۇزاق, حالىقارالىق بايقاۋلاردىڭ لاۋرەاتى ا.قۇسنادين ات سالىسقان.
