كوروناۆيرۋس • 06 ءساۋىر، 2020

COVID-19 ەكسپرەسس-تەست تەكسەرۋىنەن ءوتۋ ءۇشىن نە ىستەۋ كەرەك؟

101 رەت كورسەتىلدى

تومەندە اتاپ كورسەتىلگەن انامنەزىندە (اۋرۋ تاريحىندا) سوڭعى ەكى اي ىشىندە شالدىققان اۋرۋ دەرەگى بولعان نەمەسە قازىرگى ۋاقىتتا جرۆي، پنەۆمونيا، جرا بەلگىلەرى بار قاۋىپ توپتارىنداعى بارلىق تۇلعالار:

  1. كوروناۆيرۋس تارالۋىنىڭ الدىن الۋ ءىس-شارالارىنا قاتىساتىن تۇلعالار: جەدەل جاردەم سالاسىنىڭ مەديتسينالىق قىزمەتكەرلەرى، امبۋلاتوريالىق-ەمحانالىق ۇيىمداردىڭ، ستاتسيونارلاردىڭ قابىلداۋ بولىمشەلەرىنىڭ قىزمەتكەرلەرى.
  2. مەديتسينالىق كومەك كورسەتۋگە تىكەلەي قاتىساتىندار
  3. تىنىس الۋ اعزالارىنىڭ اۋىر سوزىلمالى اۋرۋلارىمەن ديسپانسەرلىك ەسەپتە تۇرعان تۇلعالار;
  4. اۋرۋحاناعا جاتقىزىلماعان رەسپيراتورلىق سيمپتومدارى (جرۆي، پنەۆمونيالار، جرا) بار ناۋقاستار;
  5. اۋرۋعا شالدىعۋشىمەن ىقتيمالدى قاتىناستاردا بولعان قاتارعا جاتاتىن تۇلعالار;
  6. اۆتووتكەلدەر مەن تەمىر جولدارداعى مەملەكەتتىك شەكارادان وتكىزۋ بولىمشەلەرى ارقىلى قازاقستانعا ساپارلاپ كەلەتىن ازاماتتار;
  7. كوروناۆيرۋس تارالۋىنىڭ الدىن الۋعا قاتىساتىن ورتالىق جانە جەرگىلىكتى مەملەكەتتىك ورگانداردىڭ قىزمەتكەرلەرى (ىشكى ىستەر مينيسترلىگى، قورعانىس مينيسترلىگى، ۇلتتىق گۆارديا، ۇقك، كەدەن قىزمەتى، اكىمدىكتەر قىزمەتكەرلەرى;
  8. كارانتيندىك ايماقتاردىڭ تىرشىلىك قىزمەتىن قامتاماسىز ەتەتىن قىزمەتكەرلەر (كوممۋنالدىق قىزمەتتەردىڭ، تاعام ونىمدەرىن، ءدارى-دارمەكتەر وتكىزەتىن ساۋدا وبەكتىلەرىنىڭ، جەتكىزۋدى جۇزەگە اسىراتىن قوعامدىق تاماقتاندىرۋ وبەكتىلەرىنىڭ، كولىك تاسىمالىنىڭ، پيك قىزمەتكەرلەرى، دەزينفەكتسيا قىزمەتىن كورسەتەتىندەر جانە ت.ب.);
  9. تەك ەپيدەميولوگيالىق كورسەتىلىمدەر بويىنشا وزگە تۇلعالار.

 COVID-19 ەكسپرەسس-تەست تەكسەرۋىنەن ءوتۋ ءۇشىن نە ىستەۋ كەرەك؟

  1. قر دسم رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ https://formcovid.eisz.kz/index.html سايتىندا ساۋالناما تولتىرۋ
  2. ەپيدەميولوگيالىق ىرىكتەۋ كومەگىمەن ءبىرىنشى كەزەكتە تەست تەكسەرۋىنەن وتكىزىلەتىن ازاماتتاردىڭ ساناتتارى كورسەتىلگەن.
  3. ازاماتتاردىڭ وسى ساناتتارى كوروناۆيرۋس ەكسپرەسس-تەست تەكسەرۋىنەن تەگىن وتەدى.

COVID-19 تەست تەكسەرۋىنەن ءوتۋ ءراسىمى

  1. قاۋىپسىزدىكتى قامتاماسىز ەتۋ ءۇشىن COVID-19 تەست تەكسەرۋىنەن ءوتۋ ءراسىمى باسقا تالداۋلار قابىلدانبايتىن، قاتاڭ تۇردە بيوماتەريال الۋ ءۇشىن بەلگىلەنگەن بولىمشەلەردە وتكىزىلەدى (ساۋالنامالاردى ىرىكتەۋ قورىتىندىلارى بويىنشا).
  2. پاتسيەنتتەر ەكسپرەسس-تەست تەكسەرۋىنە قاتاڭ تۇردە كورسەتىلگەن ۋاقىتتا شاقىرىلادى جانە ءوز كەزەگىن ءوزارا 1،5-2 مەتر اراقاشىقتىق ساقتاپ، كوشەدەگى قان تاپسىرۋ بولىمشەلەرىنىڭ الدىندا كۇتەدى جانە ورىنجايعا ءبىر-بىردەن شاقىرىلادى.
  3. كىرەتىن جانە شىعاتىن پاتسيەنتتەر لەگى ەكى جاققا بولىنەدى.
  4. مەديتسينالىق بەتپەردەنىڭ بولۋى مىندەتتى.

تەست قايدا جانە كىم ارقىلى وكىزىلەدى؟

  1. جەدەل جاردەم بريگادالارى (شۇعىل شاقىرتۋلار).
  2. زەرتحانالىق قىزمەتتەردىڭ ءموبيلدى بريگادالارى، ارنايى جاساقتالعان بولىمشەلەردە (تەك شاقىرۋ بويىنشا).
  3. اۆتو جانە تەمىر جول وتكەلدەرىندە (قر اۋماعىنا ساپارلاپ كەلەتىن ازاماتتار ءۇشىن).
  4. ستاتسيونارلاردا (تەك مەديتسينالىق كورسەتىلىمدەر بويىنشا) 

COVID-19 ەكسپرەسس-تەست  نەدەن تۇرادى؟

  1. ەكسپرەسس-تەست بىرنەشە رەاگەنت جاعىندىسىمەن ەندىرىلگەن تەست-جولاعى بار ءبىر رەتتىك پلاستيك قۇرىلعىدان تۇرادى.
  2. تەست وتكىزۋ ءۇشىن كۇردەلى قۇرال-جابدىق قاجەت ەمەس. تالداۋعا قان ساۋساقتان الىنادى، بارلىق پايدالانىلاتىن قۇرالدار ستەريلدى جانە ءبىر رەتتىك.
  3. وسىنداي تەست وتكىزۋ ناتيجەسىن 15 مينۋت ىشىندە الۋعا بولادى.

COVID-19 ەكسپرەسس-تەست  ناتيجەسى سەنىمدى مە؟

  1. ەكسپرەسس-تەست ارقىلى كوروناۆيرۋس ينفەكتسياسىنىڭ دياگنوزى قويىلمايدى، ويتكەنى وندا اعزاداعى ۆيرۋس انىقتالمايدى، تەك وعان دەگەن يممۋندىق جۇيەنىڭ رەاكتسياسى باعالانادى.
  2. ەكسپرەسس-تەستىلەر سەنىمدىلىگى 90%-دان اسپايدى، سوندىقتان 10% دەيىنگى جاعدايدا ءارى جالعان-تەرىس، ءارى جالعان-وڭ ناتيجەلەر الۋعا بولادى.
  3. دياگنوزدى راستاۋدىڭ نەگىزگى ءادىسى بۇرىنعىشا كوروناۆيرۋس رنق انىقتالاتىن اڭقادان الىناتىن پتر جاعىندىسى بولىپ تابىلادى.

ەگەر COVID-19 ەكسپرەسس-تەست تەرىس ناتيجە كورسەتسە:

  1. تەرىس تەست ناتيجەسىن الۋ ينفەكتسيانىڭ جوق ەكەنىن نەمەسە ينفەكتسيا جۇقتىرۋدىڭ تاياۋدا بولعانىن، ال انتيدەنەلەردىڭ ءالى ءتۇزىلىپ ۇلگەرمەگەنىن ايعاقتاي الادى.
  2. ۆيرۋستىڭ وسىلاي تاسىمالدانۋى قورشاعان قاۋىمعا قاۋىپتى بولۋى مۇمكىن، سوندىقتان ەگەر ءسىز كارانتيندە بولساڭىز، وقشاۋلانعان كۇيدە قالىپ، بارلىق پروفيلاكتيكالىق شارالاردى قاداعالاۋ كەرەك.
  3. كارانتين اياقتالعاندا ينفەكتسيا جۇقتىرۋدى تۇپكىلىكتى جوققا شىعارۋ ءۇشىن قايتالاپ تەست وتكىزۋ قاجەت.

COVID-19 ەكسپرەسس-تەستىسىنىڭ جۇمىس ىستەۋ قاعيداتى

  1. تەست قاعيداتى SARS-CoV-2 (COVID-19) كوروناۆيرۋسىنا IgG/IgM كلاسس انتيدەنەلەرىن قاندا انىقتاۋعا نەگىزدەلگەن. ينفەكتسيا جۇقتىرۋدان كەيىن 7-10 كۇن وتكەندە ءبىرىنشى بولىپ IgM كلاسس انتيدەنەلەرى وندىرىلەدى. ولار اۋرۋدىڭ جەدەل ساتىدا ەكەنىن ايعاقتايدى.
  2. ينفەكتسيا جۇقتىرۋدان كەيىن 2-3 اپتا وتكەن سوڭ IgG كلاسس انتيدەنەلەرى وندىرىلەدى، ول ينفەكتسيانىڭ كوتەرىمدى وتكەنىن جانە قالىپتاسقان يممۋندىق جاۋاپتى بىلدىرەدى.
  3. ەگەر ادامدا IgM كلاسس وڭ انتيدەنەلەرى (نەمەسە IgM جانە IgG وڭ انتيدەنەلەرىنىڭ ەكى كلاسى) تابىلسا، وندا ينفەكتسيا جۇقتىرۋ 7-14 كۇنگە جۋىق ۋاقىت بۇرىن ورىن العان.
  4. ەگەر IgG كلاسس وڭ انتيدەنەلەرى تابىلسا – بۇل بۇرىن وسى ادامنىڭ كوروناۆيرۋسپەن بايلانىسى بولعانىن نەمەسە وسى ينفەكتسيانى يممۋندىق جاۋاپ قالىپتاسۋىمەن كوتەرگەنىن بىلدىرەدى.

 

سوڭعى جاڭالىقتار

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ساقتىقتا قورلىق جوق

كوروناۆيرۋس • بۇگىن، 06:30

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار