ساراپشىنىڭ پىكىرىنشە, قازىرگى باعا ۋاقىتشا. تەڭگەنىڭ تاعدىرى وپەك + ەلدەرىنىڭ كەزەكتى باس قوسۋىنىڭ ناتيجەسىنە بايلانىستى. وسى جيىنعا برازيليا, كانادا, نورۆەگيانىڭ قاتىسۋعا نيەت تانىتۋى مۇنايدىڭ الەمدىك باعاسىن باررەلىنە 33-34 دوللار ارالىعىندا ۇستاپ تۇرۋعا مۇمكىندىك بەردى.
«وسىعان بايلانىستى, تەڭگە قىمباتتادى. 1 اقش دوللارى 438,8 تەڭگەگە دەيىن تومەندەدى. سونىمەن قاتار, Brent باعاسىنىڭ باررەلى ءۇشىن 40 دوللارعا دەيىن ءوسۋى مۇمكىن, وپەك + اياسىندا مۇناي ءوندىرۋدى قىسقارتۋ تۋرالى جاڭا كەلىسىمدەرگە قول جەتكىزىلسە 1 اقش دوللارىنىڭ باعاسى 425-430 دالىزىندە ساقتالادى. الايدا, كەلىسسوزدەر ءساتسىز بولعان جاعدايدا USD- KZT 445-448 بەلگىسىنە قايتا ورالۋى مۇمكىن», دەپ جازدى ولجاس تولەۋوۆ.
