ايماقتار • 06 ءساۋىر، 2020

تۇركىستان: 1400-گە جۋىق جۇمىسسىز قالعان بيزنەس وكىلدەرىنەن ءوتىنىش تۇسكەن

8 رەتكورسەتىلدى

تابىسىنان ايرىلعان ازاماتتارعا بەرىلەتىن 42،5 مىڭ تەڭگە كومەكتى الۋ ءۇشىن تۇركىستان وبلىسىندا 1400-گە جۋىق جۇمىسسىز قالعان بيزنەس وكىلدەرىنەن ءوتىنىش تۇسكەن. وتىنىمدەر سانى كۇن ساناپ كوبەيۋدە.

بۇل ورايدا كاسىپكەرلەردىڭ ماسەلەسىمەن «اتامەكەن» كاسىپكەرلەر پالاتاسىندا ارنايى قۇرىلعان  شتاب اينالىسۋدا. تۇركىستان وبلىسى كاسىپكەرلەر پالاتاسىنىڭ ديرەكتورى م. يبادۋللاەۆ كاسىپكەرلەرگە تيەسىلى كومەكتى قالاي الۋعا بولاتىنىن ءتۇسىندىردى. «ەڭبەكاقىسى ساقتالماعان دەمالىستا جۇرگەن شاعىن جانە ورتا كاسىپكەرلىك سۋبەكتىسىنىڭ جۇمىسكەرلەرى، كارانتين ەنگىزىلگەن ەلدى مەكەندەردە ءىرى كاسىپكەرلىك سۋبەكتىلەرىنىڭ جۇمىسكەرلەرى، جالدامالى جۇمىس كۇشىن قولدانبايتىن جەكە كاسىپكەرلەر، جەكە پراكتيكامەن اينالىساتىن ادامدار، بىرىڭعاي جيىنتىق تولەم تولەۋشى بولىپ تابىلاتىن جەكە تۇلعالار، مىندەتتى زەينەتاقى جارنالارىن تولەگەن جەكە تۇلعالار، سونداي-اق، كوممەرتسيالىق ەمەس زاڭدى تۇلعا جۇمىسشىلارى جاڭا الەۋمەتتىك تولەم الۋ ءۇشىن «ەلەكتروندىق ۇكىمەت» ۆەب-پورتالىندا «ەلەكتروندىق ءوتىنىش» سەرۆيسى ارقىلى جۇمىسپەن قامتۋ ماسەلەلەرى جونىندەگى جەرگىلىكتى ورگانعا توتەنشە جاعداي كەزەڭىندە قىزمەتتىڭ شەكتەلۋىنە بايلانىستى قىزمەتكەرلەر ءتىزىمىن قوسا، ءوتىنىشتى جولدايدى»، دەدى پالاتا ديرەكتورى. سونداي-اق م.يبادۋللاەۆ سايت ارقىلى جاردەماقى الۋ الگوريتمىنە توقتالىپ، الەۋمەتتىك تولەم ءبىرىنشى كەزەكتە توتەنشە جاعداي كەزىندە كىرىسىنەن ايرىلعان ازاماتتاردى قولداۋعا باعىتتالعانىن اتاپ ءوتتى.

 

تۇركىستان وبلىسى

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار