ءبىلىم • 06 ءساۋىر، 2020

اسحات ايماعامبەتوۆ: شالعاي اۋىلدارداعى مەكتەپ وقۋشىلارىن قامتۋ – باستى مىندەت

50 رەتكورسەتىلدى

ءبىلىم جانە عىلىم ءمينيسترى اسحات ايماعامبەتوۆ بۇگىن شالعاي اۋىلدارعا حابارلاسىپ، قاشىقتان وقىتۋ بارىسىن باقىلاعانىن ايتتى.  

«قاشىقتان وقىتۋ بارىسىندا ارينە تەحنيكالىق اقاۋلار بولدى. بىراق بۇل ماسەلەلەر ۋاقىتىندا شەشىلدى. تەحنيكالىق اقاۋلارعا قاراماستان 2،4 ملن بالا ينتەرنەت ارقىلى ءبىلىم الدى»، دەدى اسحات ايماعامبەتوۆ.

سونداي-اق ول تەلەارنالار ارقىلى وتكەن ساباقتار جونىندە ءسوز ەتتى.

«وزدەرىڭىز بىلەتىندەي، تەلەديدار ارقىلى وقۋ باستالدى. بۇگىن تاڭعى ساعات 09:00-دەن باستاپ «ەل ارنا» جانە «بالاپان» تەلەارنالارىنان ساباقتار ءوتتى. بۇل باعىت ارقىلى كوپ وقۋشى قامتىلدى دەپ ايتا الامىز. وسىعان بايلانىستى ارنايى ساۋالناما جۇرگىزدىك. سول ساۋالناماعا سۇيەنسەك، ينتەرنەتپەن جۇمىس ىستەگەن بالالاردىڭ وزدەرى قوسىمشا رەتىندە تەلەديداردى دا قاراپ ساباق وقىدىق دەپ جاتتى. ولاردىڭ ىشىندە اتا-انالارىمەن كورگەندەرى دە كوپ»، دەدى مينيستر.

ونىڭ ايتۋىنشا، بۇگىن شالعاي اۋىلدارداعى وقۋشىلار دا تەلەارنالار ارقىلى ساباق وقىعان.

ء«بىز كەيبىر شالعاي اۋىلدارداعى بالالاردى ۋايىمداعانبىز. مەن بۇگىن تۇسكە قاراي بىرنەشە ەلدى-مەكەندەرگە تەلەفون سوعىپ، اتا-انالارمەن جانە ۇستازدارمەن سويلەسىپ جاعدايدى باقىلادىم. سول العان اقپارات بويىنشا ناقتى وسى تەلەارنالار ارقىلى ءبىلىم الدىق دەگەن جاقسى پىكىرلەر ايتىلدى. سوندىقتان ءبىز ءارى قاراي دا تەلەارنالار ارقىلى جۇمىسىمىزدى جۇرگىزە بەرەمىز. بىزگە شالعاي اۋىلدارداعى مەكتەپ وقۋشىلارىن قامتۋ – باستى مىندەت»، دەدى ول.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار