ءدال قازىر وبلىستا ىندەتكە شالدىققان 37 ادام تىركەلىپ تۇر. ولارعا حاتتاماعا سايكەس ەم تاعايىندالىپ, ناۋقاستارمەن جاقىن قارىم-قاتىناستا بولعان 254 ادام كارانتينگە جاتقىزىلدى.
– قاتەرلى ىندەتتىڭ ورشۋىنە ءبىزدىڭ قامسىزدىعىمىز دا از «ۇلەس» قوسىپ جاتقان جوق, – دەدى وبلىس اكىمىنىڭ ورىنباسارى. – مىسالى, بويىندا ۆيرۋسى بار ءبىر ادامنىڭ كەسىرىنەن جيىرمادان استام تۇرعىن ينفەكتسيا جۇقتىرعان. وسىعان دەيىن توتەنشە جاعداي تالابىن بۇزعان 171 فاكتى انىقتالىپ, 46 ادامعا اكىمشىلىك ايىپپۇل سالىنسا, 52-ءسى قاماۋعا الىندى. وسىنداي الماعايىپ كەزدە ءوزىنىڭ, جاقىندارىنىڭ اماندىعىن ويلاماعان جاندارعا الدا دا زاڭ اياسىندا قاتاڭ شارا قولدانىلادى.
قازىر وبلىس اۋماعىندا 35 توسقاۋىل بەكەت جۇمىس ىستەپ تۇر. توتەنشە جاعداي شتابى جانىنان قۇرىلعان كولل-ورتالىققا 1 ساۋىردەن بەرى 9072 قوڭىراۋ تۇسكەن.
